Prezident Qasym-Jomart Toqaev memlekettık nagradalar men syilyqtardy tapsyruǧa arnalǧan saltanatty räsımge qatysty, dep habarlaidy "Adyrna" ūlttyq portaly Aqorda saityna sılteme jasap.
Qasym-Jomart Toqaev öz sözınde saltanatty jiynǧa qatysuşylardy Qazaqstan Täuelsızdıgınıŋ 30 jyldyǧymen qūttyqtap, būl merekenıŋ ūlt mereiın ösıretın ūlyq meiram ekenın atap öttı.
«Bız tarih tūrǧysynan alǧanda qysqa merzım ışınde jaŋa Qazaqstannyŋ negızın qaladyq. Tūǧyry berık, ekonomikasy quatty, bedelı biık memleketke ainaldyq. Mūnyŋ bärı, eŋ aldymen, Elbasy Nūrsūltan Äbışūly Nazarbaevtyŋ köregen saiasatynyŋ jemısı. Sonymen bırge, bükıl halqymyzdyŋ eren eŋbegınıŋ nätijesı. Kez-kelgen halyqtyŋ tabysqa jetuı azamattaryna bailanysty. Būl – ömırdıŋ zaŋy. Adam kapitaly myqty memleket barlyq qiyndyqty eŋsere alady. Täuelsızdık kezeŋınde halqymyz eldıktıŋ bıregei ülgısın körsettı. «Eŋbek – yrystyŋ būlaǧy, baqyttyŋ şyraǧy» dep beker aitylmaǧan. Şyn mänınde, bızdıŋ bügıngı jetıstıgımız – barşa halqymyzdyŋ ortaq jeŋısı. Jaŋa Qazaqstandy örkendetuge azamattarymyzdyŋ köbı sübelı üles qosty. Bügıngı mereilı sätte elımızdıŋ barşa azamattaryna tabandy eŋbegı üşın zor alǧys aitamyn», – dedı Prezident.Qasym-Jomart Toqaev Täuelsızdıktıŋ 30 jyldyǧy köpǧasyrlyq memlekettılıgımızdıŋ maŋyzdy kezeŋı jäne zamanaui Qazaqstan jylnamasyndaǧy aituly beles ekenıne toqtaldy. Onyŋ aituynşa, osy jyldar ışınde elımız zor jetıstıkterge qol jetkızgen, kürdelı syn-qaterlerdı eŋsergen ülken joldan öttı.
«El azamattarynyŋ basym köpşılıgı özderınıŋ qajyrly eŋbegımen quatty ärı damyǧan memleket qūru ısıne eleulı üles qosyp keledı. Bügın özderıŋızdı marapattai otyryp, Qazaqstandy körkeituge üles qosqan barlyq azamatqa rizaşylyq bıldıremız. Sızder naǧyz otanşyldyqtyŋ, käsıbi bılık pen adal eŋbektıŋ ozyq ülgısın körsettıŋızder. Öskeleŋ ūrpaq özderıŋızge qarap boi tüzeidı. Osydan bır jyl būryn men ülken mereitoidy şusyz, daŋǧazasyz, ysyrapsyz naqty jūmystarmen atap ötu qajettıgı turaly aittym. Täuelsızdıgımızdıŋ 30 jyldyǧynda jaŋa, auqymdy reformalar qolǧa alyndy. Sondyqtan, būl jyldy nätijelı boldy deuge tolyq negız bar. Bız ekonomikany jäne äleumettık salany jan-jaqty jaŋǧyrtyp jatyrmyz. Indetke qaramastan, memleket otandyq bizneske qoldau körsetude», – dedı Memleket basşysy.
