Qazaqstan Respublikasynyŋ Prezidentı Qasym-Jomart Toqaev Täuelsızdıktıŋ 30 jyldyǧy qarsaŋynda el azamattaryna alǧys aitty, dep habarlaidy QazAqparat.
«Barşaŋyzdy qasterlı Täuelsızdıgımızdıŋ 30 jyldyq mereitoiymen şyn jürekten qūttyqtaimyn. Būl – ūlt mereiın ösıretın ūlyq meiram. Bız tarih tūrǧysynan alǧanda qysqa merzım ışınde jaŋa Qazaqstannyŋ negızın qaladyq. Tūǧyry berık, ekonomikasy quatty, bedelı biık memleketke ainaldyq.Mūnyŋ bärı – eŋ aldymen Elbasy Nūrsūltan Äbışūly Nazarbaevtyŋ köregen saiasatynyŋ jemısı. Sonymen bırge bükıl halqymyzdyŋ eren eŋbegınıŋ nätijesı», - dedı Memleket basşysy memlekettık nagradalar iegerlerın marapattau räsımınde. Öz sözınde Prezident kez kelgen halyqtyŋ tabysqa jetuı azamattaryna bailanysty ekenın eske saldy. «Būl ömırdıŋ zaŋy. Adam kapitaly men myqty memleket – barlyq qiyndyqty eŋsere alady. Täuelsızdık kezeŋınde halqymyz eldıktıŋ bıregei ülgısın körsettı.
«Eŋbek – yrystyŋ būlaǧy, baqyttyŋ şyraǧy» dep beker aitylmaǧan. Şyn mänınde, bızdıŋ bügıngı jetıstıgımız – barşa halqymyzdyŋ ortaq jeŋısı. Jaŋa Qazaqstandy örkendetuge azamattarymyzdyŋ köbı sübelı üles qosty. Bügıngı mereilı sätte elımızdıŋ barşa azamattaryna tabandy eŋbegı üşın zor alǧys aitamyn», - dedı Qasym-Jomart Toqaev.Aita keteiık, Aqordada Memleket basşysynyŋ Jarlyǧymen elımızdıŋ äleumettık-ekonomikalyq jäne mädeni damuyna, halyqtar arasyndaǧy dostyq pen yntymaqtastyqty nyǧaituǧa qosqan eleulı ülesı, belsendı qoǧamdyq qyzmetı üşın bır top azamat memlekettık nagradalarmen marapattaldy.
