AQŞ Kongresınde Qazaqstandy täuelsızdıktıŋ 30 jyldyǧymen qūttyqtady. Būl turaly QazAqparat SIM sılteme jasap habarlaidy. AQŞ Kongressındegı Ökılder palatasynyŋ müşelerı Jaklin Valorski, Robert Aderholt jäne Stiven Şabot Qazaqstan täuelsızdıgınıŋ jäne ekıjaqty qarym-qatynastardyŋ 30 jyldyǧyna orai Kongrestıŋ resmi biulletenınde tırkelgen jariialy mälımdemeler jasady.
J. Valorski Qazaqstan Respublikasynyŋ Tūŋǧyş Prezidentı – Elbasy N. Nazarbaev saiasatynyŋ arqasynda qol jetkızgen Qazaqstannyŋ tamaşa jetıstıkterın, Semei poligonyn jabu jäne iadrolyq arsenaldan bas tartu arqyly «iadrosyz bolaşaq üşın mındettemelerdı qabyldau» turaly şeşımderdıŋ köregendıgın, «Qazaqstanda erkın naryqtyq ekonomika qūru ideiasyna berılgendıgın» jäne şeteldık investorlarmen jūmystyŋ joǧary maŋyzdylyǧyn tereŋ tüsıngenın joǧary baǧalady. Qazaqstanda odan ärı jaŋǧyrtu boiynşa qadamdardyŋ qajettılıgın aita kelıp, ol «Prezident Qasym-Jomart Toqaev Qazaqstandaǧy qoǧamdyq ömırdıŋ barlyq salalaryna baǧyttalǧan ışkı reformalardy, onyŋ ışınde azamattyq qoǧamnyŋ aşyqtyǧyn arttyruǧa baǧyttalǧan qoldanystaǧy zaŋdardy jaŋartuǧa baǧyttalǧan saiasi jäne parlamenttık reformalardy jüzege asyruǧa ülken köŋıl bölude» dep mälımdedı.«Qazaqstan 30 jyldan berı Ortalyq Aziiadaǧy beibıt jäne tūraqtandyruşy küş bolyp qala berude», būl eldıŋ demokratiia qūndylyqtaryna berıktıgınıŋ dälelı dep sanaidy İndiana ştatynda sailanǧan kongressvumen. Kongressmen R. Aderholt Qazaqstan halqyn täuelsızdıktıŋ 30 jyldyǧymen qūttyqtap, älemnıŋ strategiialyq maŋyzdy öŋırındegı elımızdıŋ airyqşa rölıne toqtaldy. «Prezident Qasym-Jomart Tokaevty jäne Qazaqstan halqyn qysqa merzım ışınde qol jetkızgen eleulı örleuımen qūttyqtaimyn», – dedı ol. AQŞ Kongresındegı Alabama ştatynyŋ ökılı Qazaqstannyŋ AQŞ-pen qorǧanys, qauıpsızdık, terrorizmge qarsy ıs-qimyl jäne basqa da özara müddelı salalardaǧy özara ıs-qimylyn joǧary baǧalady. Osy oraida ekı el arasyndaǧy keŋeitılgen strategiialyq serıktestıktı jäne ärıptesterımen qatar Qazaqstannyŋ iadrolyq qarudy taratpau salasyndaǧy jetekşı rölın, 2006 jyly Ortalyq Aziiadaǧy iadrolyq qarudan azat aimaq turaly şarttyŋ maŋyzdylyǧyn atap öttı. AQŞ Kongresındegı Qazaqstannyŋ dostary tobynyŋ teŋ töraǧasy, Ogaio ştatynda sailanǧan kongressmen S. Şabot ekı el arasyndaǧy ekonomikalyq bailanysty odan ärı damytudyŋ maŋyzdylyǧyn aitty. Onyŋ aituynşa, «Qazaqstanda myqty naryqtyq ekonomikany qalyptastyruǧa küş salyp, şeteldık investisiialarǧa tartymdy jaǧdai jasau maqsatynda zaŋ üstemdıgı mäselelerıne köp köŋıl bölınedı». Osy oraida ol «Astana» Halyqaralyq qarjy ortalyǧynyŋ rölıne bölek toqtaldy. AQŞ Kongresınıŋ ökılderı qabyldaǧan jariialy mälımdemelerı ekıjaqty keŋeitılgen strategiialyq serıktestıktıŋ qarqyndy damuynyŋ taǧy bır dälelı bolyp tabylady.
