Jeltoqsan oqiǧasyna qatysuşylarǧa «Bostandyq üşın küresken qaharmandar» deitın arnaiy märtebe beru kerek. Ūlttyq akademiialyq kıtaphanada ötken «Jeltoqsan. 1986. Dekabr. Dokumentalnaia hronika» atty kıtaptyŋ tanystyrylymy kezınde Saiasi quǧyn-sürgın qūrbandaryn tolyq aqtau jönındegı memlekettık komissiianyŋ müşesı Sabyr Qasymov osyndai ūsynys aitty, dep habarlaidy QazAqparat tılşısı.
«Jeltoqsan kezınde zardap şekkenderdıŋ sanyn tūraqtandyruymyz kerek. Bız qazır Saiasi quǧyn-sürgın qūrbandaryn tolyq aqtau jönındegı memlekettık komissiianyŋ tarapynan osy künge deiın Jeltoqsan boiynşa ıstı bolǧan jastardyŋ neşeuı aqtalǧanyn sūratyp jatyrmyz.
Aqtaldy degende, sottalǧandar men qamauǧa alynǧandardy aityp otyrmyz. Onyŋ özınde sol kezdegı milisiianyŋ tızımıne tüskender ǧana aqtalǧan. Al qanşa jastardy aldyn ala qamau kameralaryna, arnaiy jabdyqtalmaǧan qosymşa oryndarǧa aparyp qamai berdı?! Solardyŋ sanyn älı eşkım tūraqtandyrǧan joq», - deidı «Qaharmandar» respublikalyq qoǧamdyq qorynyŋ prezidentı.Zaŋger ǧalym Jeltoqsanǧa qatysqany üşın sottalǧandardyŋ arasynda belgılı bır sebeptermen aqtalmai qalǧandary da bar ekenın aitady.
«Sottalǧandardyŋ naqty sany 103 dep jürmız. Olardyŋ köbı aqtaldy. Milisiiaǧa qarsylyq körsetkenı üşın aqtalmaǧan Myrzaǧūl Äbdıqūlov siiaqty bıren-sarany aqtalǧan joq. Ol da özıne şabuyl jasalǧanda pyşaqpen qorǧanǧanyn bılesızder», - dedı Sabyr Qasymov.Memlekettık komissiia müşesı Jeltoqsan batyrlaryna arnaiy märtebe beru ne üşın qajet ekenın de aitty.
«Bız Jeltoqsanǧa qatysqan otandastarymyzǧa «Bostandyq üşın küresken qaharmandar» degen märtebe beruımız kerek. Sondai status berılse, olardy aqtau, äleumettık jaǧynan qorǧau, tarihi ädıldıktı qalpyna keltıru siiaqty köptegen mäselenıŋ tüiını özdıgınen şeşımın tabady. Jeltoqsan oqiǧasyna qatysqany üşın jazalau, quǧyndau şaralarynan zardap şekkenderdıŋ de sany esepteluı kerek. Oqiǧa eŋ bır şielenısken tūsta Almatydan özge öŋırlerde de jastar şyqty. Tolyq san eşkımde joq. Solardyŋ qanşasy aqtaldy? Almatyda 600-den astamy aqtaldy. Al oblystarda qanşasy eskerusız kettı. Solardyŋ bärın naqtylau mındetı tūr aldymyzda», - dedı ol.
