Jeltoqsan oqiǧasynyŋ resmi qūjattary kıtap bolyp şyqty

Elordadaǧy Ūlttyq akademiialyq kıtaphanada «Jeltoqsan. 1986. Dekabr. Dokumentalnaia hronika» atty kıtaptyŋ tanystyrylymy öttı, dep habarlaidy QazAqparat tılşısı. Jeltoqsan oqiǧasyna biyl 35 jyl tolyp otyr. Osyǧan orai, Täuelsızdıktıŋ 30 jyldyǧy aiasynda QR Parlamentı Mäjılısınıŋ deputaty, «Qazaq tılı» qoǧamynyŋ prezidentı Berık Äbdıǧaliūlynyŋ bastamasymen arhiv qūjattaryna negızdelgen derektı jylnama jaryq kördı. Kıtaptyŋ tūsaukeserıne Mäjılıs deputattary, tarihşylar men qoǧam qairetkerlerı qatysty. «Bızdıŋ buyn Täuelsızdık alǧan kezde 20 jasta edık. Iаǧni 1986 jyly Jeltoqsan bolyp jatqanda bız 15-tegı bala boldyq. Solardyŋ arqasynda jıgerlenıp, ruhtanyp östık. Sondyqtan Jeltoqsan qaharmandary bız üşın ärdaiym batyr. Ärine, taǧdyry är türlı boldy. Özderı de sezedı qūrban bolǧanyn. Qazır maqtan tūtyp jürgen azattyǧymyz da, sol azattyqpen bırge kelgen jetıstıkterımız de solardyŋ arqasynda ornady. Bız olarǧa jalpyūlttyq laiyqty saiasi baǧasyn bere almai jatyrmyz. Aramyzda jürgen tırı batyrlar ǧoi būlar. Qarapaiym student qyz-jıgıtter jastyq jıgerdıŋ, ūlttyq namystyŋ qandai bolu kerektıgın bärımızge körsetıp kettı. Sondyqtan Täuelsızdık toilarynda eŋ bırınşı qūrmet solarǧa körsetıluı kerek. Ekınşıden, būl taqyryptyŋ özı älı zerttelgen joq. Kıtap şyǧarǧandaǧy maqsatymyz osyny ǧalymdar zerttese eken degen niet edı. Kıtaptyŋ ışınde qanşama tızım bar. Solardyŋ bärınıŋ taǧdyryn anyqtasa tarih degenıŋız sol», - dedı bastama avtory Berık Äbdıǧaliūly. Qūndy jinaqtyŋ baspa şyǧyndaryna «Altyn qyran» qoǧamdyq qory demeuşılık etken. 1000 danamen şyqqan jinaq Jeltoqsan taqyrybyn zerttep jürgen ǧalymdar men kıtaphanalarǧa taratylmaq. Qordyŋ atqaruşy direktory Maqsūtbek Aitmaǧanbet qajettılık tuyndap jatsa, jinaqty qaita basyp şyǧaruǧa daiyn ekenderın aitady.