Täuelsızdık qūrdastary arasynda qazaq tılın bıluden baiqau öttı

Aqmola oblysynda Qazaqstan Respublikasy Täuelsızdıgınıŋ 30 jyldyǧyna orai memlekettık tıldı keŋınen nasihattap jürgen täuelsızdık qūrdastary arasynda «Täuelsızdık barysy» atty oblystyq onlain baiqauy öttı, dep habarlaidy QazAqparat tılşısı oblystyq ışkı saiasat basqarmasyna sılteme jasap. Vedomstvonyŋ mälımetınşe, şaraǧa oblystyŋ audandary men qalalarynan 1991 jyly tuǧan jastar, iaǧni 30 jastaǧy 13 ümıtker qatysty. Baiqau memlekettık tıldıŋ qoldanu aiasyn keŋeitu, jastar arasynda qazaq tılın bılu deŋgeiın köteru, yqylasy men qyzyǧuşylyǧyn arttyru maqsatynda ötkızıldı. Qatysuşylar özderın tanystyryp, jetken jetıstıkterı turaly beinerolik daiyndady. Saiystyŋ soŋǧy kezeŋınde olar bolaşaqtaǧy maqsat-josparlarymen bölıstı. «Elımız Täuelsızdık alǧan jyly tuǧan ūl-qyzdar, bügıngı künı är salanyŋ qyr-syryn meŋgergen maman ielerı ekenın tüsındım. Bügıngı baiqauǧa qatysqan Täuelsızdık qūrdastarynyŋ ışınde aqyn da bar änşı de bar, mūǧalım de, äkım de, polisiia qyzmetkerı de bar eken. Ümıtkerlerdıŋ barlyǧy önerlı, al jetken jetıstıkterınıŋ özı bır töbe. Täuelsız elımızde osyndai bılımdı de, talantty jastardy körgende quanyşymda şek bolmaidy», - dep atap öttı qazylar alqasynyŋ müşesı Aqmola oblysynyŋ bılım basqarmasy janyndaǧy oblystyq oqu ädıstemelık kabinetınıŋ ädıskerı Jūldyz Äbılqaiyrova. Baiqau qorytyndysy boiynşa bırınşı orynǧa Kökşetau qalasynan Fariza Asylbekova laiyqty dep tanylsa, ekınşı oryndy Ereimentau audanynan Erlan Däuletūly, üşınşı oryndy Jaqsy audanynan Qūralai Qūdaibergenova ielendı. Saiys jeŋımpazdary men qatysuşylary diplomdar, alǧys hattar jäne baǧaly syilyqtarmen marapattaldy. Aita keteiık, öŋırde el Täuelsızdıgınıŋ 30 jyldyq mereitoiyna arnalǧan 12000-nan astam şaralar ötkızıldı