30 jylda elımız tūtas ǧasyrǧa tatityn ūly joldan öttı - Elbasy

30 jylda elımız tūtas ǧasyrǧa tatityn ūly joldan öttı. Būl turaly Täuelsızdıktıŋ 30 jyldyǧyna arnalǧan saltanatty ıs-şara barysynda QR Tūŋǧyş Prezidentı – Elbasy Nūrsūltan Nazarbaev aitty, dep habarlaidy QazAqparat tılşısı. «30 jylda elımız tūtas ǧasyrǧa tatityn ūly joldan öttı. Osy tarihi kezeŋder bız baǧyndyrǧan belester Täuelsızdık däuırınıŋ belgılerı bolady. Barlyǧy tüiındelıp kelgende eŋ basty jetıstıgımız – bız Qazaqstandy älem moiyndaǧan memleket retınde qalyptastyryp, eŋselı elge ainaldyrdyq. Bügınde jahan jūrtşylyǧy qazaq jerın beibıt meken, qazaq elın märtebelı memleket, senımdı serıktes retınde tanidy. Mūndai bedelge tek ruhy myqty, jūdyryqtai jūmylǧan, bırlıgı bekem halyq qana ie bolady. Bır üidıŋ balasyndai, bır qoldyŋ salasyndai yntymaǧy jarasqan jūrtymyzdyŋ ülken-kışısıne sol üşın basymdy iıp, alǧysymdy aitamyn», - dedı Elbasy. QR Tūŋǧyş Prezidentı azattyq aludyŋ auyr jügın bırge köterısken serıktesterıne de arnaiy rahmet aitty.