Prezident öskeleŋ ūrpaqqa: Joldaryŋyz kedır-būdyrsyz bolmaidy

Memleket basşysy Qasym-Jomart Toqaev QR Täuelsızdıgınıŋ 30 jyldyǧyna arnalǧan saltanatty jiynda öskeleŋ ūrpaqqa aǧa buynnyŋ ümıtın aqtauy üşın ne ısteuı kerektıgın aitty, dep habarlaidy QazAqparat. «Öskeleŋ ūrpaq aǧa buynnyŋ täjıribesın paidalanyp, ümıtın aqtaidy dep senemın. Joldaryŋyz kedır-būdyrsyz bolmaidy. Sondyqtan, köp bılım alyp, ruhani jaǧynan baiyp, naǧyz azamat retınde qalyptasu kerek. Uaqyt tynysyn döp basyp, zaman talabyna beiımdele bılgen jūrt eşqaşan ūtylmaidy. Kez kelgen synaqqa daiyn tūrady. Bız küş-quaty men qarym-qabıletı sai kemel halyq boluymyz kerek. Künde özgerıp jatqan qūbylmaly kezeŋde būl maqsatqa jetu kürdelı ekenı anyq», - dedı Memleket basşysy. Prezidenttıŋ paiymynşa, qazır älemge tūraqsyzdyq faktorlary äser etıp tūr. «Onyŋ üstıne pandemiiaǧa bailanysty jaŋa syn-qaterler paida boluda. Bıraq jūrtymyz qiyndyqtyŋ bärın eŋsere alatynyna senımım zor. Sebebı tūǧyry myzǧymas myqty memleketımız bar. Damu jolymyzdy naqty nūsqap tūrǧan strategiialyq maqsattarymyz bar. Elımız özınıŋ sara jolynan ainymai alǧa qadam basa beredı. Bız üşın Täuelsızdık bärınen qymbat. Baǧa jetpes qūndylyǧymyzdy qasterlep, quatty Qazaqstandy damytu üşın bärımız jūmylyp, bır el bolyp aianbai eŋbek eteiık. Jalpyūlttyq mereitoiymyz qūtty bolsyn! Elımızdıŋ abyroiy asqaqtap, bedelı biıktei bersın! Elbasymyz aman bolsyn! Qazaqstanymyz mäŋgı bolsyn», - dep tüiındedı Qasym-Jomart Toqaev.