Memleket basşysy: Täuelsızdıgımızdıŋ tabysyna toqmeiılsuge bolmaidy

Täuelsızdıgımızdıŋ tabysyna toqmeiılsuge bolmaidy. Būl turaly Täuelsızdıktıŋ 30 jyldyǧyna arnalǧan saltanatty ıs-şarada QR Prezidentı Qasym-Jomart Toqaev aitty, dep habarlaidy QazAqparat tılşısı. «Jaŋa jahandyq jäne öŋırlık syn-tegeuırın jaǧdaiynda Täuelsızdık jetıstıkterın eseleu üşın bızge küş-jıgerımızdı ekı, tıptı üş eseleu qajet. Basqa sözben aitar bolsaq, tabysymyzǧa toqmeiılsuge bolmaidy», - dep atap öttı QR Prezidentı. Memleket basşysy äleumettık-ekonomikalyq ömırdıŋ barlyq salasynda jankeştı kündelıktı jūmystyŋ qajet ekendıgın basa aitty. «Bızdıŋ aldymyzda azamattardyŋ ömır sapasyn arttyruǧa qatysty jaŋa mındetter tūr. Bız «Adam memleket üşın emes, memleket adam üşın» negızgı qalauşy qaǧidatynan taimaityn bolamyz. Qoǧamymyz «Halyq ünıne qūlaq asatyn memleket» tūjyrymdamasyn zor ümıtpen qabyldady. Sondyqtan memlekettık qyzmetşıler azamattardyŋ senımın aqtap, qalaularyn eskeru üşın bar küş-jıgerlerın jūmsauy tiıs», - dedı Qasym-Jomart Toqaev.