QR Täuelsızdıgınıŋ 30 jyldyǧyna arnalǧan saltanatty jiynda Prezident Qasym-Jomart Toqaev azattyq jyldarynyŋ basty belesterın atady, dep habarlaidy QazAqparat.
«Täuelsızdıktıŋ 30 jyly – bız üşın tūtas däuırge bergısız merzım. Ony üş beleske bölıp qarastyruǧa bolady. Är onjyldyq ǧasyrdyŋ jügın arqalap tūr. Alǧaşqy onjyldyq – jaŋa Qazaqstannyŋ negızın qalau kezeŋı. Osy jyldarda memlekettık nyşandarymyz belgılenıp, bilık jüiesı qalyptasty. Töl teŋgemız ainalymǧa qosyldy. Aibyndy Armiiamyz qūryldy. Ata zaŋymyz qabyldandy. Ana tılımızge memlekettık tıl märtebesı berıldı. Ata dınımız oralyp, salt-dästürımız jaŋǧyrtyldy. Bırlıgımızdıŋ bastauy bolǧan Qazaqstan halqy Assambleiasy qūryldy», - degen Qasym-Jomart Toqaev elımızdıŋ halyqaralyq arenadaǧy bedelı qalai qalyptasqanyn eske saldy.«Qazaqstan bedeldı halyqaralyq ūiymdarǧa müşe bolyp qabyldandy. Strategiialyq damu baǧdarymyz aiqyndaldy. Şekara mäselesın zaŋ tūrǧysynan şegendeu ürdısı bastaldy. Qasiettı jerımız atom qaruynan tazartyldy. Elordamyz Esıldıŋ boiyna köşırıldı», - dedı Prezident. Aita keteiık, bügın Memleket basşysy Qasym-Jomart Toqaevtyŋ qatysuymen QR Täuelsızdıgınıŋ 30 jyldyǧyna orai saltanatty jiyn ötıp jatyr. Saltanatty ıs-şaraǧa QR Tūŋǧyş Prezidentı – Elbasy Nūrsūltan Nazarbaev, Ükımet müşelerı, Parlament deputattary, mädeniet jäne qoǧam, öner, sport qairatkerlerı, ziialy qauym ökılderı qatysyp otyr.
