Üşınşı megapoliste merekelık jiyn öttı. Qalalyq ışkı saiasat jäne jastar ısterı jönındegı basqarma ūiytqy bolǧan saltanatty ıs-şara el täuelsızdıgınıŋ 30 jyldyǧy men Jeltoqsan oqiǧasynyŋ 35 jyldyǧyna arnaldy. Jastar ortalyǧyna 1986 jylǧy Jeltoqsan oqiǧasyna qatysuşylar jinalyp, azattyqtyŋ aq taŋyn jaqqan sol oqiǧa turaly derektı filmdı tamaşalady.
– Qūrmettı Jeltoqsan oqiǧasyna qatysuşylar! Biyl – el täuelsızdıgınıŋ 30 jyldyǧy, sondai-aq, egemendık jolymyzdaǧy eren jaǧdai – 1986 jylǧy Jeltoqsan oqiǧasyna 35 jyl tolyp otyr. 30 jyl ışınde jas memleketımız qanşama jetıstıkke qol jetkızdı. Ekonomikalyq tūrǧydan kemeldengen, saiasi ūstanymy sarabdal, bäsekege qabılettı, özındık basqaru jüiesı men mädenietı qalyptasqan, älem elderı sanasatyn quatty memleketke ainaldy. Elımızdıŋ osy därejege jetuıne qosqan ülesterıŋız zor. Sızderdıŋ sol kezde körsetken batyldyqtaryŋyz bügıngı jas ūrpaqqa ülgı. Bız jeltoqsanşylardyŋ erlıgın eşqaşan ūmytpaimyz. Barşaŋyzdy Täuelsızdık künı merekesımen şyn jürekten qūttyqtaimyn. Denderıŋız sau, otbasylaryŋyz aman bolsyn! Täuelsız Qazaqstannyŋ bolaşaǧy jarqyn, keleşegı kemel bolsyn! – dedı Şymkent qalalyq ışkı saiasat jäne jastar ısterı jönındegı basqarmasy basşysynyŋ mındetın atqaruşy Mūratjan Şotanov.
Merekelık jiynda Jeltoqsan oqiǧasyna qatysuşylar marapattaldy. Saiasi quǧyn-sürgın qūrbany retınde tanylǧan jäne aqtalǧan azamattardyŋ keudesıne QR Prezidentı Qasym-Jomart Toqaevtyŋ 2021 jylǧy 2 jeltoqsandaǧy Jarlyǧymen Qazaqstan Respublikasy täuelsızdıgınıŋ 30 jyldyǧyna arnalǧan merekelık medaldar taǧyldy. Al bırqatar azamatqa Şymkent qalasy äkımınıŋ Alǧys haty tabystaldy. Jiyn soŋy konserttık baǧdarlamaǧa ūlasty.
Nurlan Bektaev Serık Qosaev
