Täuelsızdıktıŋ 30 jyldyǧyna orai Şymkent qalalyq Abai audany äkımdıgınıŋ ūiymdastyruymen saltanatty ıs-şara öttı. Abai saiabaǧynda ūiymdastyrylǧan merekege ziialy qauym ökılderı, ardagerler, audan tūrǧyndary jinaldy. Aldymen köpşılık Abai audanyna qarasty bastauyş bılım beru ūiymdary ūiymdastyrǧan merekelık körmenı tamaşalady. Tärbieşıler balǧyndarmen bırge jasaǧan täuelsızdık belgılerın aişyqtaityn türlı būiymdardy keluşıler nazaryna ūsyndy.
– Qūrmettı qala tūrǧyndary men qonaqtary. Sızderdı elımızdıŋ eŋ ūlyq merekesı – Täuelsızdık künımen şyn jürekten qūttyqtaimyn! Osynau jyldar ışınde Qazaqstanymyz, onyŋ ışınde Şymkent qalasy men Abai audany aitarlyqtai jetıstıkterge jettı. Sol jetıstıkterdıŋ ışınde sızderdıŋ de ülesterıŋız bar. Täuelsız Qazaqstan mäŋgı jasai bersın! – dedı köpşılıktı merekemen qūttyqtaǧan Abai audanynyŋ äkımı Būharbai Parmanov.
Būdan keiın audannyŋ körkeiuıne üles qosyp jürgen bır top ardager men käsıpkerler, qoǧam belsendılerı audan äkımınıŋ Alǧys hatymen marapattaldy. Merekelık ıs-şara konserttık baǧdarlamamen jalǧasty.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz