Äleumettık jelıde Taşkenttegı audandardyŋ bırınde audan äkımşılıgı ǧimaratynyŋ janyndaǧy abattandyru bölımı qyzmetkerlerınıŋ ereuılge şyqqany turaly video tarady, dep habarlaidy "Adyrna" ūlttyq portaly.
Videoda audandyq abattandyru bölımı qyzmetkerlerınıŋ jalaqynyŋ azaiyp, keşıktırılıp jatqanyna narazylyq bıldırgenın esti alasyz.
- Būǧan deiın jalaqydan 300 myŋ sum (27,56 dollar) ūstalǧan. Aldyn ala tölem, merekelık tölem joq. Olar bızdıŋ eŋbegımızdı qalai paidalanu kerektıgın bıledı, bıraq jalaqyny ūmytyp kettı. Bızde kiım auystyratyn bölmeler joq. Bızdı bärı jek köredı. Därethanaǧa baruǧa bolmaidy, ashanada bır kese şai berılmeidı, - deidı Chilanzar audandyq abattandyru bölımınıŋ qyzmetkerlerınıŋ bırı.Keiın Taşkent qalasynyŋ Chilanzar audanynyŋ basşysy (hokim) Şavkat Mavlonov abattandyru bölımınıŋ narazy qyzmetkerlerımen kezdestı. Audan äkımdıgınıŋ baspasöz qyzmetı jalaqy tölengenın habarlady. Sonymen qatar, audan basşysy jūmysşylardy kölıkpen qamtamasyz etudı, üşınşı sanattaǧylardyŋ jalaqysyn qaita esepteudı jäne jūmysşylardy yntalandyru boiynşa ūsynystar äzırleudı tapsyrdy.
"Adyrna" ūlttyq portaly
