Şymkentte mereke künderı 238 säbi düniege keldı. QR Täuelsızdıgınıŋ 30 jyldyǧyna orai olardyŋ analaryna "Süiınşı" atty estelık bebi-bokstar tabys etıldı.
«Süiınşı» syiqorabyna böbekterge qajettı zattardan basqa QR Prezidentı Qasym-Jomart Toqaevtyŋ qūttyqtau tılegı jazylǧan aşyq hat, "Täuelsız Qazaqstanǧa 30 jyl" monetasy men balanyŋ tuuy turaly kuälıgı salynǧan.
«Ainalaiyn, böbek! Senıŋ tuǧan künıŋ elımızdıŋ eŋ basty merekesımen tūspa-tūs keldı. Özıŋ dünie esıgın aşqan kezde halqymyz qasterlı Täuelsızdıgınıŋ 30 jyldyǧyn atap ötıp jatty. Saǧan baqytty ärı ūzaq ǧūmyr tıleimın!», - dep jazylǧan Prezidenttıŋ qūttyqtauynda.
"Bızdıŋ qyzmetkerler 16 jäne 17 jeltoqsanda jūmys ıstedı jäne AHAJ ökılderımen bırlesıp ärbır säbi ömırınde özınıŋ alǧaşqy qūjatyn aluy üşın perzenthanalarda qūjattardy qabyldady. Osy kezeŋde Şymkent qalasynda barlyǧy 238 säbi düniege keldı, onyŋ ışınde 3 egız. AHAJ ärıptesterıne tuu turaly kuälıkterdı resımdegenı üşın, "Qazpoşta" qyzmetkerlerıne bebi-bokstardy jetkızgenı üşın jäne barlyq därıgerlerge olardyŋ qajyrly eŋbegı üşın alǧys aitqym keledı", - dedı "Azamattarǧa arnalǧan ükımet" memlekettık korporasiiasy Şymkent qalasy boiynşa filial direktory Danabek İsabekov.
"Bebi-bokstar ata - analardyŋ qalauy boiynşa perzenthanalarǧa nemese mekenjaiy boiynşa jetkızıledı", - dep habarlady "Qazpoşta" AQ Şymkent qalasy boiynşa filial direktory Erbolat Sadyrbaev.
Aita ketu kerek, «Süiınşı» syiqoraptary QR Sifrlyq damu, innovasiialar jäne aeroǧaryş ministrlıgı «Azamattarǧa arnalǧan ükımetpen bırge jäne QR Ūlttyq bank, Sentrkredit bankı jäne «Qazpoşta» AQ qatysuymen ūiymdastyryldy.
