Şymkent kalasy Äl-Farabi audanynyŋ äkımı Raşid Myŋbaev @akimat_shymkent instagram paraqşasynda tıkelei efirde sūqbat berdı. Audan äkımı 2021 jyly jüzege asqan jūmystardy baiandap, tūrǧyndar saualyna jauap berdı.
R.Myŋbaev efir barysynda infraqūrylymmen qamtu, sanitarlyq tazalyq, sport alaŋşalarynyŋ qūrylys jūmystarynyŋ barysy, t.b., salalarda atqarylǧan jūmystardy atap öttı.
Audannyŋ damuy belgılengen 7 baǧyt negızınde jüzege asuda. Bırınşı kezekte audannyŋ sanitarlyq tazalyǧy 7 sektorǧa bölınıp, jūmystar kestege sai jürgızılude.
Būqaralyq sportty damytu maqsatynda 25 aulaǧa sport alaŋşalaryn ornatu jūmystary atqaryldy. Odan özge, demeuşıler esebınen 6 aşyq sport alaŋşasy paidalanuǧa berıldı. 2021 jyly halyq igılıgıne jalpy 31 jaŋa sport alaŋşasy paidalanuǧa tapsyryldy. Meje jospardan artyq oryndalyp otyr. 2021 jyly 25 sport alaŋşasynyŋ qūrylysyn jürgızu josparlanǧan bolatyn.
2021 jyly josparǧa säikes, audan aumaǧynda 27 köpqabatty tūrǧyn üidıŋ aulalarynda abattandyru jäne balalar oiyn alaŋşalaryn ornatu jūmystary josparǧa säikes jürgızılude. 2022 jyly biudjet esebınen 50 aulany abattandyru boiynşa biudjettık ötınım engızıldı.
Äl-Farabi audany qalanyŋ ortalyq audany bolǧandyqtan, tūrǧyndardy auyz su, tabiǧi gaz jäne elektr quatymen qamtu körsetkışı 99,7 %-dy qūrap otyr. Biyl qazan aiynda «Säule» şaǧynaudany 276 oramdy tabiǧi gazben qamtamasyz etu boiynşa «HMSU Şymkent meliorasiia» JŞS-ı tarapynan qūrylys jūmystary bastaldy. Qūrylys jūmystary 2022 jylǧa ötpelı.
Sondai-aq, audanǧa biyl 25 mlrd teŋge investisiia tartylyp, tolyq igerıldı.
Şymkent qalasy äkımdıgınıŋ baspasöz qyzmetı
