Elbasy Nūrsūltan Nazarbaev han-sūltandarymyzdyŋ armanyn oryndap, jaŋa Qazaq memleketınıŋ ırgetasyn qalady. Mūndai pıkırdı Qazaqstan mūsylmandary dıni basqarmasynyŋ töraǧasy, Bas müfti Nauryzbai qajy Taǧanūly bıldırdı.
«Rasynda täuelsız elımızdıŋ ərbır jetken jetıstıgınde, baǧyndyrǧan belesınde Tūŋǧyş Prezidentımız – Elbasy Nūrsūltan Nazarbaevtyŋ qoltaŋbasy jatqanyn aitu, alǧys bıldıru – adamgerşılıkten. Bız – adamdar arasyndaǧy alauyzdyqqa, dınder arasyndaǧy dau-damailarǧa tosqauyl qoiuǧa talpynǧan, tynyştyq pen tatulyqty basty tırek etken elmız. Bauyrmaldyq, meiırbandyq, dostyq, qamqorlyq syndy qūndylyqtar – qazaq halqynyŋ tabiǧi bolmysynda bar asyl qasietter. Baǧzy zamannan berı bereke men bırlıktı, yntymaq pen yrysty, dostyq pen tatulyqty tu etken Qazaq elı täuelsızdıktıŋ sanauly jyldarynda alys-jaqynnyŋ arasyn jarastyryp, dını bölekterdı bır döŋgelek üstel basyna jinaǧan bıtımger memleketke ainaldy. Ol keşegı han-sūltandarymyzdyŋ armanyn oryndap, jaŋa Qazaq memleketınıŋ ırgetasyn qalady. Memlekettı basqaruda ūlt bırlıgın, dın bırlıgın bırınşı orynǧa qoiyp, dostyq pen kelısımnıŋ üzdık ülgısın qalyptastyra bıldı. Allaǧa şükır, osynau sarabdal saiasattyŋ arqasynda bızdıŋ elımızde tynyştyq pen tūraqtylyq saltanat qūrdy», - dep atap ötedı Bas müfti.
