Elbasy maqalasy ūlttyq mūrattarymyzdy saralaidy - Baqytjan Jūmaǧūlov

QR Parlament Senatynyŋ deputaty Baqytjan Jūmaǧūlov Elbasy Nūrsūltan Nazarbaevtyŋ «Täuelsızdık taǧylymy» atty maqalasyna qatysty pıkır bıldırdı, dep habarlaidy QazAqparat. «Täuelsızdıgımızdıŋ 30 jyldyǧynyŋ qarsaŋynda Qazaqstan Respublikasynyŋ Tūŋǧyş Prezidentı - Elbasy Nūrsūltan Äbışūly Nazarbaevtyŋ «Täuelsızdık taǧylymy» atty maqalasy jariialandy. Babalarymyz armandaǧan eldık pen erkındıktıŋ simvoly bolyp jalǧasqan ūly armany – Täuelsızdık edı. Ūlan qaiyr zamandardyŋ tarihi kartinasyn Elbasy maqalasynan köresıŋ. Saqtar men ǧūndar, odan soŋ türkı halqy Ūly dalada öz memleketın qūrdy. Elbasy dauyldar men dabyldar, «jan alysyp, jan berısken», «egeulı naiza» ūstaǧan yqylym zamandardan berı ūltymyzdyŋ baǧa jetpes özındık dästürlerı men ǧūrpyn, erkındıktıŋ ruhy men ruhani keŋıstıgın, ǧajaiyp tılı men sūlu sazyn saqtap qalǧan qasietterın tebırene jazady. Ǧasyrlar toǧysynda adamzat tarihynda, onyŋ ışınde Qazaqstan tarihynda erekşe orny bar Täuelsızdık salmaǧyn köteru öz taǧdyryna tiesılı ekenın joǧary jauapkerşılıkpen jetkızedı. Ärine, Elbasy jüregındegı söz – tarih sözı, zaman sözı, ūrpaq sözı», - dep atap öttı B. Jūmaǧūlov. Senatordyŋ aituynşa, Keŋester odaǧynyŋ tarihi joldaryna şoludy da osy maqaladan taba alasyŋ. Ötken ǧasyrdyŋ 70-şı jyldaryndaǧy jaǧdai, odan keiın Gorbachevtık «qaita qūru» saiasaty da qalai küiregenın Elbasy aşyq jazady.