Türkıstanda Elbasynyŋ «Täuelsızdık taǧylymy» maqalasy talqylandy

Türkıstan oblysynda Elbasynyŋ «Täuelsızdık taǧylymy» atty maqalasyn keŋ kölemınde aqparattyq nasihattau boiynşa döŋgelek üstel jiyny öttı. Oblystyq qoǧamdyq damu basqarmasynyŋ ūiymdastyruymen ötken basqosuda eŋ qasiettı qūndylyǧymyz - Täuelsızdıktıŋ nasihattaluy jaiynda söz qozǧaldy. Jiynda oblystyq Qoǧamdyq damu basqarmasynyŋ basşysy Aŋsar Öserbaev pen «Aqparattyq taldau ortalyǧy» KMM-sı, «Qoǧamdyq kelısım» KMM-sı, oblystyq jastar resurstyq ortalyǧy jäne Ruhani jaŋǧyru keŋsesınıŋ qyzmetkerlerı men onlain formatta Aqparattyq taldau ortalyǧy janynan qūrylǧan qoǧamdyq baǧyttaǧy Türkıstan oblysy audan, qalalyq mediavolonterlar ZOOM aqparattyq alaŋşasy arqyly qatysty. Jiyndy aşyp, jürgızıp otyrǧan qoǧamdyq damu basqarmasynyŋ basşysy Aŋsar Jaŋabaiūly Täuelsızdık qūndylyǧy jadyna bırjola şegelenıp, mäŋgı saqtaluy üşın öskeleŋ ūrpaq onyŋ qadırın bıluı kerektıgın jetkızdı. Elbasynyŋ «Täuelsızdık taǧylymy» maqalasy tarihty tolǧau arqyly bolaşaq ūrpaqqa oi salatyndyǧyna toqtaldy. «Täuelsızdıktıŋ eŋ ülken jemısı bolyp sanalatyn, jaŋaru men jaǧyrudyŋ daŋǧyl jolyna tüsken Türkıstan öŋırınde būl baǧyttaǧy jūmystar ärqaşanda aqparattyq naryqta bäsekelestık ornata alatyn ortany qalyptastyruymyz kerek», – dedı basqarma basşysy. Basqosu baǧdarlamasyna säikes Türkıstan oblysy Qazaqstan halqy Assambleiasy janyndaǧy ǧylymi sarapşylyq top jetekşısı, PhD doktor, qauymdastyrylǧan professor Qainar Qaldybaiūly Elbasy maqalasyndaǧy etnosaralyq tatulyq pen qoǧamdyq kelısım turaly baiandady. Pıkırtalas soŋynda döŋgelek üstelege qatysuşylar tarapynan «Täuelsızdık taǧylymy» maqalasynyŋ qoǧamda tereŋ nasihattaluyna arnalǧan ūsynystar men pıkırler aityldy.