Nūrlan Nyǧmatulin: Elbasy jäne Täuelsızdık degen sözder qatar aitylyp, bır ūǧymǧa ainaldy

Elordadaǧy Nazarbaev ortalyǧynda Täuelsızdıktıŋ äuelsızdıktıŋ 30 jyldyǧyna arnalǧan ǧylymi praktikalyq konferensiia ötıp jatyr. Konferensiia QR Parlamentı Mäjılısınıŋ töraǧasy Nūrlan Nyǧmatulinyŋ baiandamasymen aşyldy. «Täuelsızdık köp elder üşın asqaq arman. Bızdıŋ babalarymyz ǧasyrlar boiy aŋsaǧan osy armanynyŋ oryndalǧanyna biyl 30 jyl tolyp otyr. Osy 30 jyldyŋ ärbır belesı bız üşın qaitalanbas tarih. Al tarihty ärqaşan da ūly tūlǧalar jasaityny belgılı. Tek ūly tūlǧalar ǧana jaŋa memlekettı qalyptastyryp, onyŋ örkenietın qamtamasyz etetın ülken qadamdar jasaidy. Mūndai tūlǧalar uaqyt ötken saiyn biıktep, tek bır ūlttyŋ ǧana emes, bükıl älemnıŋ dana, köregen saiasatkerıne ainalady. Däl osyndai ūly tūlǧa ol Qazaqstannyŋ Tūŋǧyş Prezidentı-Elbasy Nūrsūltan Äbışūly Nazarbaev», - dedı Mäjılıs spikerı. Onyŋ aituyna qaraǧanda, bügınde Elbasy jäne Täuelsızdık degen sözder bır ūǧymǧa ainaldy. «Bügınde qazaqstandyqtar egemen elımızdıŋ keŋ baitaq dalasy ǧana emes, sonymen bırgen Nūrsūltan Äbışūlyndai danasy bar ekenın maqtanyşpen aitady. Qazırde Elbasy jäne Täuelsızdık degen sözder qatar aitylyp, bır ūǧymǧa ainaldy. Barşaŋyz jaqsy bılesızder, Täuelsızdıktıŋ alǧaşqy jyldary bärımızge oŋai bolǧan joq. 70 jyl boiy bilık jürgızgen Keŋes Odaǧy taraǧannan keiın bızdıŋ halqymyzdyŋ jaǧdaiy öte auyr boldy. Sol kezde barlyq öndırıs jäne zauyt, fabrikalar toqtap, kolhoz, sovhozdar tarap, myŋdaǧan azamat jūmyssyz qaldy», - degen Nūrlan Nyǧmatulin bırneşe ai boiy eŋbekaqy, stipendiia jäne basqa da tölemder berılmegen kezder bolǧanyn eske aldy.