Elbasy halqymyzdyŋ ūly perzentı ekenın däleldedı – Toqaev

Täuelsızdık jyldarynyŋ alǧaşqy synaqtarynan qazaq halqy dara basşylyǧymen sürınbei öttı. Būl turaly Prezident Qasym-Jomart Toqaev QR Täuelsızdıgınıŋ 30 jyldyǧyna orai saltanatty jiynda aitty. «Elbasy özınıŋ bır sūhbatynda azattyqtyŋ alǧaşqy äserın eske alǧany bar. Onda jūrttyŋ bärı mäz-meiram bolyp jatty. Menıŋ de quanyşymda şek joq edı. Bıraq qatty qobaljydym. Öitkenı ärı qarai ne bolaryna alaŋdauly edım» degen bolatyn. Būl şübäsız aqiqat. Elbasy aitqandai, Täuelsızdıktı alu bır basqa, ony saqtap qalu bır basqa. Prezidenttıŋ aldynda jaŋa memleket qūru mındetı tūrdy», - degen Memleket basşysy Elbasynyŋ aldynda özıne senım artqan halyqty qiyndyqtan alyp şyǧu mındetı tūrǧanyn eske aldy. «Eldegı san türlı mäselenı şeşudıŋ basty jauapkerşılıgı Memleket basşysyna jükteldı. Sonyŋ bärın Tūŋǧyş Prezidentımız abyroimen eŋsere bıldı. Tüptep kelgende Nūrsūltan Äbışūly Nazarbaev halqymyzdyŋ ūly perzentı ekenın öz eŋbegı arqyly tolyq däleldedı. Jūrtymyz onyŋ dara basşylyǧymen kedergınıŋ bärınen sürınbei öttı. Bügıngı mereilı memleketımız – Elbasymyzdyŋ eren eŋbegınıŋ jemısı», - dedı Qasym-Jomart Toqaev.