Nūrsūltan Nazarbaev barşa qazaqstandyqty qūttyqtady

QR Tūŋǧyş Prezidentı – Elbasy Nūrsūltan Nazarbaev barşa qazaqstandyqty Täuelsızdıgımızdıŋ 30 jyldyq mereitoiymen qūttyqtady. «Qymbatty otandastar! Ardaqty aǧaiyn! Qadırmendı halyq! Eŋ asyl qūndylyǧymyz - qasterlı Täuelsızdıgımızdıŋ 30 jyldyq torqaly toiymen barşaŋyzdy şyn jüregımmen qūttyqtaimyn! Qazır ǧana menıŋ aldymda elımızdıŋ Prezidentı Qasym-Jomart Kemelūly bolǧan ıstıŋ bärın aityp, barşa azamatqa özınıŋ tılegın, maǧynaly sözın joldady. Oǧan qosyp, bölıp aitatyn söz de joq. Barlyǧy qamtyldy. Sondyqtan qūrmettı Qasym-Jomart Kemelūly, Sızge şyn jüregımmen mazmūndy baiandamaŋyz ben el basqarǧan kezdegı menıŋ eŋbegıme bergen asa joǧary baǧaŋyz üşın zor rizaşylyǧymdy bıldıremın», - dedı Elbasy Täuelsızdıktıŋ 30 jyldyǧyna arnalǧan saltanatty ıs-şara barysynda. QR Tūŋǧyş Prezidentı Täuelsızdık alǧan kezeŋdegı qiyndyqtarǧa toqtalyp öttı. «Täŋırge täube, közdegenımız ben köksegenımızge jettık. Kökten tılegenımız, kütkenımız boldy. Kütken esemızdı, barlyǧyn aldyq. Kemısımızdı toltyrdyq. Aruaq qoldady, ädılet ornady. Myŋ ölıp, myŋ tırılgen qasiettı halqymyzǧa qaita keldık. Myŋjyldyqtar toǧysynda baiyrǧy memlekettılıgımız qaita jaŋǧyrdy», - dedı Nūrsūltan Nazarbaev.