Elbasy men täuelsızdık – egız ūǧym. Ony Qazaqstannyŋ qazırgı tarihyna kuä bolǧan ärbır azamat bıledı.
Būl paiymdy halyqaralyq jäne otandyq sarapşylar da jiı aitady. Sebebı Elbasy Nūrsūltan Nazarbaev elımızge täuelsızdık aludyŋ basynda bolyp, būl kielı ūǧymdy düiım halyqqa ūǧyndyra bıldı.
Elbasynyŋ täuelsızdık jyldaryndaǧy eŋbegın Ūlybritaniia lordy Djeims Uorton da baǧalaǧan edı.
«Qazaqstan aimaq pen odan tys jerlerde artyp kele jatqan röl atqara bastady. Elbasynyŋ basşylyǧymen köptegen jetıstıkke qol jetkızılgenı anyq. Būl bızdıŋ ūrpaqtarymyzdyŋ tamaşa bolaşaǧynyŋ negızın qalady. Bız mūny saiasi pıkırtalastarda köremız. Keibır qūjattarmen tanysuǧa mümkındık aldym. Mäselen, «100 naqty qadamdy» Elbasy bolaşaq damu jospary retınde äzırledı», – dedı lord Djeims Uorton «Qazaqstannyŋ partiialyq-saiasi jüiesınıŋ evoliusiiasy» halyqaralyq forumynda.«Jarasym» respublikalyq jastar qozǧalysynyŋ töraǧasy Timur Jūmyrbaev Elbasy men täuelsızdıktı bölıp jaryp aituǧa bolmaitynyn aitady.
Elbasynyŋ saliqaly saiasatynyŋ nätijesınde elımız Keŋes odaǧynyŋ qūrsauynan şyǧyp, täuelsız elge ainaldy. Barlyǧy basynan osylai jaqsy bolyp kettı dep te aituǧa bolmaidy. 30 jyl ışınde saiasi-äleumettık, ekonomikalyq kezeŋderdı bastan ötkerdık. Bügıngı deŋgeiımızdı qarasaq, 30 jyl būryn qalalar jylusyz, mūǧalımder men därıgerler ailar boiy jalaqy almai jürıp, naryqtyq ekonomika bolmaǧanyna senu öte qiyn. Qazır Qazaqstannyŋ ekonomikasy naryqtyq ärı şeteldık naryqtarmen tyǧyz bailanys ornatqan. 30 jylda Elbasy saiasatynyŋ arqasynda älemge tanymal, köp kelıssözderdıŋ ordasyna ainalǧan elordamyz da köbınıŋ köŋılınen şyǧady. Osynyŋ barlyǧyn saralai kele Elbasy men täuelsızdıktı bölıp-jaruǧa kelmeitının köruge bolady, – dedı ol.
