QR Täuelsızdıgınıŋ 30 jyldyǧyn merekeleuge arnalǧan «JŪLDYZDY 30 KÜN» merekelık ıs-şaralar josparyna säikes, üşınşı megapolistegı A.Asqarov atyndaǧy Şymkent memlekettık dendrologiialyq saiabaǧynda būqaralyq jügıru sporttyq ıs-şarasy öttı. Sporttyq bäsekede sanitarlyq talaptar tolyq saqtaldy.
Būqaralyq jügıru sporttyq ıs-şarasyna qala tūrǧyndary, Olimpiada oiyndarynyŋ jüldegerlerı, dene şynyqtyru jäne sport basqarmasynyŋ jäne basqarmaǧa qarasty sport mekemelerınıŋ qyzmetkerlerı, jalpy 400-ge juyq adam qatysty.
Şymkent qalasynyŋ dene şynyqtyru jäne sport basqarmasy basşysynyŋ orynbasary Ermek Därmenov saiysty saltanatty türde aşyp bergennen keiın, qatysuşylar patriottyq änder tyŋdap, 7 şaqyrym qaşyqtyqty jügırıp öttı.
Şaraǧa qatysuşylardyŋ qarasy qalyŋ boldy. Būl Şymqalada jyl saiyn salauatty ömır saltyn ūstanyp, būqaralyq sportty serık etuşılerdıŋ köbeiıp kele jatqanyn aŋǧartady.
Sonymen saiys nätijesınde Şymkent qalasynyŋ ūlttyq jäne at sport türlerı boiynşa keşendı sport klubynyŋ jattyqtyruşysy Baqdäulet Risabekov märege bırınşı bolyp jettı.
Märege aldyŋǧy qatarda kelgen qatysuşylar Täuelsızdık künı merekesı qarsaŋynda diplomdar jäne Alǧys hattarmen marapattalatyn bolady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz