Şymkent qalasynda būqaralyq sportty damytu maqsatynda «Halyqty salauatty ömır saltyna yntalandyrudy qalyptastyru» pilottyq jobasy äzırlendı.
Qalalyq sport jäne dene şynyqtyru basqarmasyndaǧy jauapty mamandardyŋ baiandauynşa, joba 2020 jylǧy qaraşada bastau alady.
Jobanyŋ tüpkı maqsaty – qala tūrǧyndaryn dene şynyqtyru jäne sportpen ainalysuǧa jūmyldyrudy közdeidı.
Osyǧan orai, qala aumaǧyndaǧy 10 sport alaŋynda taŋǧy jäne keşkı sporttyq jattyǧular ötedı. Taŋǧy jattyǧular – saǧat 08.00-de, keşkı jattyǧular – saǧat 18.00-de bastalady.
Jattyǧularǧa qalanyŋ ärbır tūrǧyny qatysa alady. Jattyǧular är aptanyŋ seisenbı, särsenbı, beisenbı, jūma jäne senbı künderı ötedı.
⠀Jattyǧular jalyq köp jinalatyn «Abai» saiabaǧy, Metallurgşıler saiabaǧy, «Otbasy» alleiasy, Qoşqar ata özenı jaǧalauy, «Täuelsızdık» saiabaǧy, Ortalyq saiabaq, Jeŋıs saiabaǧy, Dendrosaiabaq, «Nūrsät» şaǧyn audanyndaǧy alleia men Qajymūqan atyndaǧy «Ortalyq stadion» alleiasyndaǧy sport alaŋdarynda ötkızılmek.
Aita keteiık, milliondy qalada būqaralyq sportty damytu baǧytynda qolǧa alynǧan joba tūrǧyndar arasynda salauatty ömır saltyn nasihattaudy maqsat etedı.
