Elımızdıŋ eŋ ūlyq merekesı Täuelsızdıktıŋ 30 jyldyǧy turaly köptegen dünieler jazylyp, ıs-şaralar atqaryldy. Osy atauly mereke aiasynda elımızdegı partiialyq jüienıŋ damu qorytyndylary turaly da köp aityldy.
Endı Qazaqstannyŋ saiasi tarihynda özındık orny bar «Nur Otan» partiiasynyŋ qalyptasu tarihyn taldai otyryp, bileuşı partiia jūmysynyŋ soŋǧy jyl qorytyndylary turaly aitu oryndy, öitkenı däl osy jyldar ışınde partiia tübegeilı transformasiiadan öttı.
Sonymen, ötken tarihqa köz salsaq 1999 jyly eldıŋ saiasi arenasynda «Otan» respublikalyq saiasi partiiasynyŋ paida boluy (2006 jyldan bastap «Nūr Otan» Halyqtyq-Demokratiialyq partiiasy, 2013 jyldan bastap «Nur Otan» partiiasy), Qazaqstannyŋ jalpy partiialyq jüiesıne maŋyzdy äserın tigızdı.
Basqa partiialardy özıne bırıktıru arqyly eldegı partiialyq jüienıŋ lokomotivıne ainalǧan «Nur Otan» partiiasy elektorattyŋ dausyn jinauda joǧary körsetkışterge qol jetkızıp keledı.
Osy jyldar ışınde bileuşı partiianyŋ saiasi tūraqtylyqqa negızdelgen, salmaqty oi elegınen ötkızılgen evoliusiialyq reformalary men elektoratpen jürgızılgen däiektı jūmystary nätijesınde Qazaqstannyŋ saiasi partiialyq jüiesınde «Nur Otan» partiiasy qaşanda ärbır azamattyŋ qajettılıgın eskere otyryp, jalpyūlttyq mındetterdı şeşu boiynşa innovasiialyq ideialardy, syndarly ūsynystardy şoǧyrlandyrǧan, eldıŋ ırı saiasi küşıne ainala bıldı.
Partiianyŋ soŋǧy ekı jarym jyldaǧy mynandai ülken jetıstıkterın erekşe atap ötkım keledı.
«Nur Otan» partiiasynyŋ Qazaqstannyŋ partiialyq-saiasi keŋıstıgıne engızgen erekşe jaŋalyǧy - 2019 jyly ötkızgen Praimeriz. Bileuşı partiia post-keŋestık memleketter arasynda alǧaş ret partiialyq praimeriz ötkızdı, oǧan 10000 juyq qazaqstandyq belsene qatysty. Nätijesınde partiia fraksiiasy 65 paiyzǧa jaŋardy. Būl degenımız - jaŋa oi, ideia, bastama, özgerıs.
Köptegen ideologiialyq, äleumettık - ekonomikalyq, jastardy qoldauǧa baǧyttalǧan: «Ūlttyq mūra», «Ardagerlerdı ardaqtaiyq», «Baqytty otbasy», «Jastar Otanǧa», «Biz Birgemiz» syndy partiialyq jobalar halyqtyŋ äleumettık əljuaz toptaryna kündelıktı qamqorlyqtyŋ qajettılıgı turaly qoǧamdyq tüsınık qalyptastyruǧa baǧyttalyp, maŋyzdy ıs-şaralar atqaryp keledı.
Sonyŋ jarqyn bır dälelı älemdı şarlaǧan ındet kezınde «Biz Birgemiz» aksiiasy aiasynda 34 mlrd teŋge jeke qarajat esebınen 2,2 mln adam qamtylyp, 1 mln-nan astam adamǧa materialdyq kömek körsetılgen.
«Nur Otan» partiiasyn nyǧaituda şeşuşı röldı 216 öŋırlık sailaualdy baǧdarlamasy öte maŋyzdy bolyp tabylady.
Ärbır oblys damytudyŋ 7 basym baǧytyn özınıŋ sailaualdy baǧdarlamasynda aiqyndady. Onyŋ basty maqsaty - halyqtyŋ ömır süru sapasy men älauqatyn ünemı jaqsartu üşın jaǧdai jasau bolyp tabylady.
Elbasy tapsyrmasy boiynşa 216 öŋırlık sailaualdy baǧdarlamanyŋ ıske asyrylu barysymen tanysu üşın audandardy da qamti otyryp, aimaqtardy aralau qajettılıgı qoiylǧan edı. Bügınde Partiia töraǧasynyŋ Bırınşı orynbasary Bauyrjan Baibek ärbır öŋırlerde partiia baǧdarlamasynyŋ jüzege asuyn jıtı baqylauda.
Bileuşı partiia ünemı ädıstemelık qūramyn jaŋartyp, uaqyt pen elektorat talabyna sai özgerıske beiımdele jaŋa deŋgeige köterılıp otyrady, mysaly «Nur Otan» fraksiiasynyŋ deputattaryn keşendı türde baǧalau boiynşa Deputattar reitingısın qalyptastyru erejesı äzırlenıp bekıtıldı. Endı reiting «Nur Otan» deputattaryn, mäslihattardaǧy hatşylar men fraksiialar basşylaryn qyzmetınıŋ aiqyndyǧy men eseptılıgıne baǧyttalǧan media belsendılıkke jäne jūmystyŋ tüpkılıktı nätijelerıne baǧdarlaidy.
Kelesı jyldyŋ aqpan aiynan bastap nūrotandyq deputattardyŋ reitingısı jariia formatta jürgızıledı. Kez kelgen adam qalauynşa naqty uaqyt rejimınde halyq qalaulylarynyŋ jūmysymen tanysyp, özektı mäselelerdı şeşu üşın sūraqtar qoiyp, jauap ala alady. Jaŋa jüie aşyqtyq pen jariialylyqty aŋǧartady. Halyq qalaulylarynyŋ naqty ısterın körsetedı.
Nur Otan» partiiasynyŋ tarihyndaǧy erekşe better retınde Qazaqstan Prezidentı men Parlamentı Mäjılısınıŋ deputattaryn sailau boiynşa ötken nauqandardy aituǧa bolady. 1999 jyldan bastap prezidenttık sailau nauqandaryna qatysa otyryp, «Nur Otan» partiiasy elektoraldyq küreske qatysudyŋ mol täjıribesın jinaqtady. Sailauşylar arasynda strategiia men jūmys taktikasyn sauatty qūra otyryp, partiia osy sailaulardyŋ tabysty boluyna eleulı üles qosyp keledı. Partiia soŋǧy sailauda jergılıktı halyqtyŋ 82% dausyn aldy. Auyl äkımderın sailauda partiia 87% auyldyq okrugterde jeŋıske jettı.
Qoryta kele, «Nur Otan» partiiasynyŋ qalyptasuyna, damuyna jäne bedelınıŋ artyp Qazaqstannyŋ partiialyq jüiesınıŋ iadrosyna ainaluyna onyŋ köşbasşysy N.Ä.
Nazarbaevtyŋ qosqan ülesı ölşeusız. Onyŋ basşylyǧymen eldegı qoǧamdyq-saiasi ömırge ūdaiy monitoring jäne jüielık taldau jürgızu arqyly elektoratpen partiialyq jūmystyŋ jaŋa ädıstemelerın engızu, jaŋa mındetter qoiu nätijesınde partiia täuelsız Qazaqstannyŋ jetekşı saiasi küşıne ainalyp keledı.
Meruert TÜLEBAEVA, sarapşy
