Sheshenstan basshysy Ramzan Qadyrov Túrkııa prezıdenti Rejep Taıyp Erdoǵanǵa «siz terrorısterdi ashyq qoldaıtyn memleket mártebesin alasyz, ıa bolmasa Reseı Federaııasymen kelisimdi ózgertpesten ashyq jáne adal qarym-qatynasty jaqtaıtyn bolasyz» degen sheshim qabyldaýdy talap etti, dep habarlaıdy "Adyrna" saıty.
«Áıtpese, izdeýde júrgen qaraqshylar men sodyrlar Túrkııada pana taýyp, myńdaǵan beıbit turǵyndardyń ólimine qatysqan lańkesterdiń atymen saıabaqtardy ataý úshin ashyq túrde jınalystar men is-sharalar uıymdastyryp jatqanda, biz jaýap qaıtarý quqyǵyn ózimizde qaldyramyz. Mysaly, bul jaǵdaıda Túrkııa túrmeleriniń birinde ómir boıyna bas bostandyǵynan aıyrylǵan Kúrdistan jumysshy partııasynyń negizin qalaýshy Abdýlla Ojalannyń esimin Groznyıda máńgilikke qaldyrý bizdiń tarapymyzdan qısyndy jáne saıası «aına» bolyp tabylady», - dedi Sheshenstan basshysy.
Qadyrovtyń aıtýynsha, bul úndeý Sheshenstan parlamenti, qaýipsizdik kúshteri men din ókilderiniń «Reseıde qylmys jasaǵan lańkesterdi jasyryp, keıin tolyǵymen aqtap alyp shyqqan túrik bıliginiń áreketterine jaýap berý týraly ótinishimen baılanysty.
Qadyrov Reseı Syrtqy ister mınıstrligine de júgingen.
«Túrkııa bıliginiń qazirgi áreketteri ǵasyrlar boıy damyp kele jatqan Reseı-Túrkııa qarym-qatynasyna tikeleı qaýip tóndiredi. Biz buǵan nazar aýdaryp, mundaı kórinisterge qarsy aldyn ala dıplomatııalyq sharalar qabyldaýymyz kerek», - dep esepteıdi Sheshenstan basshysy.
EADaily habarlaǵandaı, qazan aıynda túrik soty tyńshylyq jasady degen kúdikpen tórt reseılikti qamaýǵa aldy. Olarǵa Túrkııada turatyn sheshen oppozıııasynyń ókilderine qastandyq jasaýdy josparlaǵan degen aıyp taǵylyp otyr. Ustalǵandardan qarý-jaraq pen reseılik tólqujat tabyldy.
Birinshi jáne ekinshi sheshen soǵystary kezinde Túrkııa Respýblıkasy men túrik qoǵamy separatısterdi qoldap, Ichkerııa basshysy Djohar Dýdaevty áli kúnge deıin qurmetteıdi.
"Adyrna" ulttyq portaly
