Qazaqstan Almaty oblysyndaǵy Úlken aýylynyń mańynda atom elektr stanııasyn salý múmkindigin qarastyrýda, dep habarlady «Samuryq-Qazyna» ulttyq ál-aýqat qorynyń tóraǵasy Almasadam Sátqalıev. Bul týraly "Adyrna" ulttyq portaly habarlaıdy.
«Qazir biz (...) Almaty oblysynda (...) AES qurylysyn qarastyryp jatyrmyz (...) Ulttyq elektr jelisiniń topografııasy boıynsha Úlken aýyly eń qolaıly aımaq. 500 kılovolttyq jetkilikti tarmaqtalǵan jeli múmkindigi bar, negizgi qosalqy stanııasy bar - Iýg-GRES 500. Bul aımaq bazalyq qýatty sol jerge ornalastyrýǵa (...) jáne elektr energııasynyń soltústik-ońtústik tranzıtin turaqtandyrýǵa óte yńǵaıly. Sonymen qatar Ortalyq Qazaqstanǵa elektr qýatyn qaıta bólý múmkindigi bolǵan jaǵdaıda «Qaraǵandy, al Soltústik-Ońtústik tranzıtinde ońtústik oblystarǵa da taratýǵa qolaıly meken", - dedi ol jýrnalısterge sársenbi kúngi úkimet otyrysynda.
Onyń aıtýynsha, atom elektr stanııalaryna qajetti qural-jabdyqtardy shyǵaratyn negizgi óndirýshilerden birneshe usynystar bar. «Reseıden, Qytaıdan, Franııadan usynys, amerıkandyq jabdyq óndirýshilerden eki usynys bar. Sheshimderdi qabyldaý kezinde barlyq spektr – qoldanylatyn tehnologııalardyń qaýipsizdigi, salynǵan ıadrolyq reaktorlardy paıdalaný boıynsha osyndaı ozyq tájirıbelerdiń sany, sondaı-aq baǵa máselesi, otyndy Qazaqstanda oqshaýlaý múmkindigi eskeriletin bolady. Qazirdiń ózinde kompanııa deńgeıinde tıisti tásilder qarastyrylýda, dedi ol.
«Atom elektr stansasyn salý kezinde biz óz resýrstarymyzdy barynsha paıdalanýdy, onyń ishinde otyn tabletkalary men otyn jınaqtaryn óndirýdi, sondaı-aq túpkilikti ónimdi Qazaqstanda lokalızaııalaý múmkindigin mindetti shart retinde qoıamyz».
Memlekettik qor basshysy «kezinde, shamamen 15 jyl buryn men MAGATE basshylyǵymen osy taqyrypta sóıleskenmin» dedi. «Sodan keıin MAGATE elektr jelileriniń damý erekshelikterine, bizdiń energetıkalyq júıeniń kerneý klasyna, bilikti kadrlardy daıyndaý múmkindigi, logıstıka faktoryna súıene otyryp, bizge Reseıdi usyndy», - dedi ol. «Túpkilikti sheshimdi tańdaǵan kezde úkimet birqatar krıterıılerdi basshylyqqa alatyny anyq». Onyń paıymdaýynsha, «eń tıimdi sheshim – atom energetıkasy, energııanyń bul túri elektr energııasymen turaqty (...) qamtamasyz etedi jáne Qazaqstannyń ýran rýdasyn óndirýdegi áleýetin paıdalanady».
"Adyrna" ulttyq portaly
