Qazaqstan Respublikasy Parlamentı Mäjılısınıŋ deputattary Maqsat Ramanqūlov pen Fahriddin Qarataev Şymkent qalasyna arnaiy jūmys saparmen keldı. Halyq qalaulylary aldymen Qaratau audandyq jastar resurstyq ortalyǧynda bolyp, belsendı jastarmen kezdestı.
Kezdesu barysynda deputattar elımızde jürgızılıp jatqan reformalar, jastardy qoldau üşın memleket tarapynan atqarylyp jatqan jūmystar turaly äŋgımeledı.
—Biyl Täuelsızdıgımızge 30 jyl tolyp otyr. Elbasy jaqynda jaryq körgen maqalasynda «Osy jyldar ışınde älemdık ǧylym men mädeniettıŋ eŋ üzdık jetıstıkterın meŋgergen jaŋa ūrpaq qalyptasty» dep atap öttı. Mıne, Sızder, sol täuelsızdık ūrpaǧysyzdar! Elımızdıŋ bolaşaǧy jarqyn, Qazaqstan myqty boluy Sızderge bailanysty. Eldı körkeitu üşın bırlıgımızdı bekemdep, jastarymyzdyŋ denı sau, bılımdı de bai-quatty boluyna män beruımız kerek. Densaulyq üşın sportpen ainalysu, sapaly bılım üşın köp oqu, bai bolu üşın adal käsıp ısteu jäne bırlıktı saqtau üşın ärqaisymyz ışkı mädenietımızdı arttyruymyz kerek. Eŋ bastysy, bügınde memleket jastarǧa osynyŋ barlyǧyn jasauǧa mümkındık berıp otyr. Qazaqstanda bılım alamyn, biznespen ainalysamyn degen adamǧa barlyq mümkındık bar. Bızge eşkım jaqsy ömır men jarqyn bolaşaqty daiyndap bermeidı. Bärımız bır kısınıŋ balasynda eŋbek etıp, alǧa ūmtyluymyz kerek, – dedı deputat M.Ramanqūlov.
Kezdesu barysynda jastar deputattarǧa özderın mazalaǧan sūraqtaryn qoiyp, oilaryn ortaǧa saldy.
Mūnan keiın tömengı palata ökılderı Şymkent qalalyq Azamattyq aliansynyŋ «Azamattyq resurstyq ortalyǧynyŋ» jūmysymen tanysyp, ükımettık emes ūiymdardyŋ, etnomädeni bırlestıkterdıŋ ökılderımen jäne qoǧamdyq pıkırdıŋ köşbasşylarymen kezdestı.
Aidar QŪLJANOV, Foto Serık QOSAEV
