El Täuelsızdıgınıŋ 30 jylynda Şymkent qalasynyŋ aumaǧy ūlǧaiyp, jaŋadan qosylǧan eldı mekender sany artty, qala halqy üş esege östı, qala megapolis märtebesın aldy. Jaŋa şaǧyn audandar boi köterdı. Qarqyndy damu üstındegı şaharda kommunaldyq mäselenıŋ bolary da anyq. Qala basşylyǧy būl baǧyttaǧy tüitkıldı mäselelerdı şeşu üşın jūmystardy jüielı türde jalǧastyruda. Sebebı injenerlık infraqūrylym qala damuynyŋ fundamentı bolyp tabylady. Sala jobalarynyŋ uaqytyly jäne sapaly jüzege asyru qalalyq qyzmetterdıŋ basym baǧyttaryna jatady.
Eldımekenderdı kärız jüiesımen qamtamasyz etu üşın biylǧy jylǧa josparlanǧan 13 nysannyŋ qūrylys jūmystaryna biudjet esebınen 6,2 mlrd teŋge qarjy bölındı. Jürgızılgen qūrylys jūmystarynyŋ üşeuı magistraldy kärız kollektory bolsa, 10 eldımekenge ışkı jüieler tartyldy.
Nätijesınde Tūran şaǧynaudanyndaǧy kärız sorǧy stansiiasynyŋ qūrylysy aiaqtalyp, ondaǧy köp qabatty tūrǧyn üiler jüiege qosyldy. Nauryz şaǧynaudanynyŋ 3,5 myŋ jäne Samal-1 şaǧynaudanynda 22 myŋdai tūrǧyn kärız jüiesıne qosyldy. Nätijesınde kärız jüiesımen qamtu körsetkışı 52,3 paiyzdan - 54 paiyzǧa östı.
Būl körsetkıştı arttyru maqsatynda keler jyly 5 magistraldy jäne 12 eldı mekenge ışkı jüielerdı tartu jūmystary jürgızılmek. Oǧan qaralǧan qarjy 6,4 mlrd. teŋgenı qūrauda.
Atap aitqanda 2022 jyly Samal -2,3, Dostyq, Asar-2, Miras-Şapaǧat-2, Ūlaǧat, Tassai, Soltüstık şyǧys, Tūran, Qaitpas-1,2, Soltüstık-Batys eldı mekenderde qūrylys jūmystary jürgızıledı.
Jyl qorytyndysymen 1 magistraldy jäne 12 eldı mekende ışkı jüielerdıŋ qūrylys jūmystary aiaqtalyp, 66 myŋǧa juyq adam kärız jüiesımen qamtylady. Nätijesınde körsetkış 54%-dan, 60%-ǧa deiın ösedı.
2022-2025 jyldary qalanyŋ oŋtüstık, soltüstık bölıgın kärız jüiesımen qamtu üşın damytu josparyna säikes, 2 dana kärız – tazalau imaratynyŋ, magistraldyq kollektorlardyŋ jäne eldı mekenderdıŋ ışkı jüieler qūrylysyn jürgızu josparlanuda. 2025 jylǧa 75% qamtu körsetkışıne qol jetkızu közdelude.
Şymkent qalasy äkımdıgınıŋ baspasöz qyzmetı
