Baqytgül Hamenova tergeudıŋ bıtkenın türmede kütetın boldy Tergeudıŋ bıtkenın aqyry türmede kütetın boldy. Prokurorlardyŋ talabynan soŋ, sot Baqytgül Hamenovaǧa qatysty şeşımın qaita özgerttı. Atyrau oblysy äkımınıŋ orynbasary on kün būryn ǧana üiqamaqqa auystyrylǧan bolatyn, dep habarlaidy “Adyrna” ūlttyq portaly KTK telearnasyna sılteme jasap.
Al şeşımnıŋ özgeruın sottaǧylar taǧylǧan aiyptyŋ auyrlyǧymen tüsındırdı. Onyŋ üstıne Hamenova üiınde jürse qyzmetın, yqpaldy tamyr-tanystaryn paidalanyp tergeuge kedergı keltıruı yqtimal dep tauypty.
Eger taǧylǧan aiyp boiynşa şeneunık kınälı dep tanylsa, 12 jylǧa deiın bas bostandyǧynan aiyryluy mümkın. Atyrau oblysy äkımınıŋ orynbasary Abai eskertkışıne bölıngen 145 million teŋgeden auyzbastyryq aldy degen küdıkpen ekı apta būryn ūstalǧan bolatyn. Onymen qosa Atyrau oblysy mädeniet basqarmasynyŋ basşysy da ūstalǧan.
Bıraq Aqylbek Rysqaliev öz kınäsın bırden moiyndap, tergeuşılerge kömek bergenı üşın qamauǧa alynbady. Al Hamenova temır torǧa qaita qamalǧanymen, qyzmetınen älı resmi türde bosatylmapty.
Erjan Tölek, Atyrau oblysy äkımınıŋ baspasöz hatşysy:
- Ötken joly aitqanymdai, qazır sottan eşqandai şeşım kelgen joq. Qazır tergeu izoliatorynda jatqanyn özderıŋız bılesızder. Sondyqtan jalaqy jürmeidı, jūmysta bolmauyna bailanysty. Oǧan qarasty basqarmalar qazır äkımnıŋ özge orynbasarlaryna bölınıp berıldı. Qazır sol kısıler jauapty.
“Adyrna” ūlttyq portaly
