Elımızdegı velosporttyŋ damuyna qazırgı atauy özgergen käsıbi Astana Qazaqstan Team komandasynyŋ qūryluy ülken serpın berdıdesek qatelespeimız. Halyqaralyq velosipedşıler odaǧynyŋ talaby boiynşa,2023 jyldan bastap ärbır käsıbi komandanyŋ janynda äielder qūramy men jastar komandalary qūryluy tiıs. Jastardyŋ «Astana Qazaqstan Development Team» qūrlyqtyq komandasynyŋ qūryluy sondyqtan.
Ondaǧy maqsat – ızbasar daiyndau. Onyŋ qūramyndaǧy on sportşynyŋ beseuı qazaqstandyq. Qalǧany – İtaliia, Ekvador, Kolumbiia, Fransiiajäne Latviiadan kelgen şabandozdar. Būdan bölek, Qazaqstan velosiped sporty federasiiasyjanynan taǧy üş komanda qūryldy. Jastar komandalarynan käsıbi qūrlyqtyq komanda qūramyna ırıkteu jürgızıledı. Jastar komandasy tıkelei Europada ötetın jarystarǧa qatysyp, baq synauǧa mümkındık alyp otyr. Şaqyrymdarynda aiyrmaşylyq bar demeseŋız, marşruttary ülken komandalar küş synasatyn joldarǧa ūqsas.
Elımızde osy sport türınıŋ qarqyndy damuy mamandardyŋ köŋılınen şyǧyp otyr. Sonyŋ bırı – sport kommentatory Ermūhamed Mäulen.
«Velosport qarqyndy damyp keledı. Äsırese, ırı qalalarda joldar salynyp, damuǧa serpın berılıp jatyr. Är oblysta olimpiadalyq daiarlau mektepterınde velosport seksiialary bar. Qyzyljar velosporttyŋ mekenı bolyp tūr. Daryndy şabandozdar sol jaqtan köp şyǧypotyr», - deidı kommentator.
Velosportqa, ony damytuǧa soŋǧy uaqytta bekerden beker zor köŋıl bölınıp kele jatqan joq. Oǧan osy sport türındegı jetıstıkterdıŋ türtkı bolǧany qūpiia bolmasa kerek.
«Velosport mektebınıŋ ırgesı berık qalyptasqan.Mäselen, Aleksandr Vinokurov – Soltüstık Qazaqstan oblysynyŋ velosport mektebınıŋ tülegı. Aleksei Lusenko (Soltüstık Qazaqstan), Aleksandr Şefer, Dmitrii Sidun (Taraz) – osynyŋ bır aiǧaǧy. Astana Qazaqstan Team qūramyna biyl qosylǧan Nūrbergen Nūrlyqasym da Taraz velosport mektebınen şyqqan», – deidı sport sarapşysy Dina Ysqaqov.
Mamandardyŋ aituynşa, qazır är oblystyŋ velokomandalary, federasiianyŋ bölımşelerı bar. Däl qazır sporttyŋ būl türınıŋ damuy jaman emes. Astana Qazaqstan Team qūramynda 29 sportşy bolsa, sonyŋ ony qazaqstandyq sportşy.
«Qazır olardyŋ sany 30 paiyzǧa juyqtaidy. Qazaqstandyq sportşylardyŋ sanyn 50-60 paiyzǧa deiın köteru kerek degen meje qoiyp otyr. Federasiia basşylyǧy ony komandanyŋ tūsaukeser räsımınde jariia ettı», - deidı Dina Ysqaqov.
Ärine, qazaqstandyqtar tarapynan būǧan narazylyq ta bar. «Komanda qūramynda nege şeteldıkter köp? Nege olarǧa aqşa jūmsaluy kerek?» - degen pıkırler jiı aitylyp jatady.
«Öitkenı, būl – käsıbi komanda. Qazaqstannyŋ ūlttyq qūramasy emes, käsıbi sport. Futbolda Real Madrid, Barselona, PSJ sekıldı. Sondyqtan şeteldıkterdıŋ boluy zaŋdy. Bızde ötıp jatqan jarystar men Europa qūrlyǧynda ötıp jatqan jarystardyŋ deŋgeiı ekı basqa. Bız de bır kün jarysyp, chempion bolady. Al ol jaqta 21 kün jarysyp, 3 jarym myŋ şaqyrymdy baǧyndyryp ötedı. Būl qazaqstandyq futbolşyny Messimen bırge oinatqanmen bırdei öte ülken täjıribe!» - dep jauap beredı klub ökılderı.
Ermūhamed Mäulennıŋ pıkırınşe, mūnyŋ taǧy bır sebebı – mūndai deŋgeide oiyn körsetetın qazaqstandyqtar az.
«Aleksei Lusenko – komanda kapitany. Le Tour deFrance ta keremet oiyn körsettı. Vinokurovtyŋjasaǧanyn qaitalai aldy. İtaliia, İspaniia jänebasqa elderde velosport qatty damyǧan. Bız soldeŋgeige jetu üşın bırte-bırte üirenuımız kerek. BAÄ komandasynda da bırde-bır arab oinamaidy. Būl qazır taŋqalatyn närse emes», - deidı maman.
Bıraq būl – bızdıŋ sportşylardyŋ deŋgeiışeteldıkterden tömen degen söz emes. Aitalyq, Lusenko älemdegı daŋqy jer jarǧan velosportşylardy şaŋ qaptyryp, märe syzyǧyn bırınşı kesıp ötkenın jaqsy bılemız.
«Būl jeŋıs myqty qarsylastarǧa qarsy motivasiia, täjıribe jinaqtaudyŋ arqasynda keldı. Lusenkonyŋ artynan myqty qazaqstandyq ızbasarlary şyǧady dep kämıl senemın», - deidı Dina Ysqaqov.
Qazırgı qol jetkızgen jetıstıkterge Qazaqstan velosiped sporty federasiiasynyŋ köp üles qosyp kele jatqany qūpiia emes. Sonyŋ mūryndyq boluymen, äuesqoilar arasynda jarystar jiı ötkızıle bastady. Äsırese, Almaty qalasynda. Tour of Almaty, Tour of World Class Almaty jäne basqa da jarystar – osynyŋ dälelı. Astana Qazaqstan Team mamandary, bapkerler Qazaqstan chempionatynan qalmai, ärdaiym blaknottaryn qolyna alyp, üzdıkterdıŋ esımın türtıp alyp otyrady. Jaŋa esım Nūrbergen Nūrlyqasym älemge mäşhür azuly komandaǧa osylai müşe bolǧany anyq.
Europada käsıbi sportty nege myqty Öitkenı,sarapşylardyŋ aituynşa, eŋ aldymen äuesqoi sport keŋınen damyǧan. Europalyqtar tört döŋgelektı kölıkten, ekı döŋgelektı kölıktı tiımdı sanaidy. Qarajat ünemdeidı, kölıgın qaita qoiamyn dep bas qatyrmaidy. Densaulyqqa tiımdı dep esepteidı. Äuesqoilarǧa barlyq jaǧdai jasalǧan. Velotūraqtardy qalanyŋ är būryşynan oŋai taba alasyz. Tıptı, velosipedşılerge arnalǧan baǧdarşamdar da bar.
«Bızde de arnaiy joldar jasalyp jatyr. Qazır velosiped jolymen jaiaular jürmeitın boldy. Adamdarda velosipedşılerge degen qūrmet oianyp, jol mädenietı damyp keledı. Velosport tübı būqaralyq sportqa ainalady dep senemın», - deidı sarapşy.
Keibır mamandar Qazaqstannyŋ tabiǧaty velosporttyŋ damuyna Europadaǧydai jaily emesekenın alǧa tartady.
«Bıraq bızge osy klimatqa ikemdeluge tura kelıp tūr. Basty närse – infraqūrylym. Petropavl qalasyn aitpaǧanda, Nūr-Sūltan, Almaty, Qaraǧandy jäne Taraz qalalarynda būl sport türı öte jaqsy damyp keledı. Al būqaralyq sipatqa ainaluy üşın är apta saiyn jarys ötkızıluı tiıs. Soŋǧy jyldary pandemiiaǧa bailanysty veloşeruler, ülken jarystarymyzdyŋ özı ötpei qaldy. Mūndai şaralardyŋ jiı ötuı velosporttyŋ damuyna äser etedı. Europadaǧydai üş adamnyŋ bırı velosiped tebetın bolsa, keremet bolar edı. Ol üşın Almaty men Nūr-Sūltandaǧydai arnaiy joldar salynu kerek», - deidı Ermūhamed Mäulen.
«Astana» käsıbi sport klubynyŋ bas serıktesı – «Samūryq-Qazyna» ŪÄQ» AQ, qūryltaişysy – Turizm industriiasy men sportty qoldau qory
