Üşınşı megapoliste erekşe balalar Aiaz ataǧa hat jazdy. Şymkent qalalyq közı körmeitın jäne älsız köretın azamattarǧa arnalǧan kıtaphanada «Siqyrly arman» atty qaiyrymdylyq aksiiasy aiasynda qala äkımınıŋ bırınşı orynbasary Şyŋǧys Mūqan men bıraqatar basqarma basşylary balalardyŋ armandary jazylǧan hattaryn oqydy.
Is-şarada Aiaz ata men Aqşaqar kıtaphanaǧa kelgen qonaqtarǧa balalardyŋ amanatyn jetkızdı. Şyŋǧys Jūmabekūly alǧaşqylardyŋ bırı bolyp oqyrman hatyn oqydy. Al eŋ köp balanyŋ tılegın oryndau megapolistıŋ bas därıgerı Baqytjan Pozilovqa būiyrypty. Şahardyŋ bas därıgerı balalardyŋ tılegın oryndau azamattyq boryşy ekenın jetkızdı.
– Jaŋa jyl – balalar üşın armandar oryndalatyn mereke. Bız sol armandarynyŋ kışkentai bolsyn bölıgın oryndauǧa öz ülesımızdı qosuǧa keldık. Arnaiy kıtaphanada ornalasqan şyrşaǧa balalar Aiaz ataǧa hattaryn qaldyrypty. Maǧan tüsken hattarda balaqailar oiynşyqtar men merekelık syilyq qalaitynyn jazypty. Al qaladaǧy därıgerlerdıŋ Jaŋa jyldyq armany – halyqtyŋ tolyq vaksinalanuy, - deidı B.Pozilov.
–
Arnaiy kıtaphanadaǧy ötıp jatqan aksiiaǧa «Aqbota» erekşe kütımdı qajet etetın balalarǧa arnalǧan böbekjai men «Ümıt» mektep-internaty, «Qazaq soqyrlar qoǧamynan 18 baladan hat tüsken. Sonymen qatar balaqailar arnaiy kıtaphana oqyrmandaryna jaŋa jyldyq beineqūttyqtau joldaǧan.
Azamat JAPPAR, Foto Serık QOSAEV
