Şymkent qalasyndaǧy tüzeu mekemelerınde ruhani damuǧa jaqsy jaǧdai jasalǧan

Şymkent qalasyndaǧy İCh-167/3 tüzeu mekemesınde auyr qylmys jasaǧan sottalǧan azamattar jazasyn öteidı. Büngı künı mekemede 800-dei azmat tüzelu jolynda keledı. Mekemede jazasyn ötuşıler üşın bırşama jaǧdailar jasalǧan. Keşkı mektep, käsıptık kolledj, türlı tūrmysqa qajettı jäne qol öner būiymdaryn şyǧaratyn öner käsıptık sektor, odan bölek sottalǧan azamattardyŋ ruhani älemın qalyptastyryp, ony dereŋdetu patriottyq dünie tanym somdau maqsatynda kıtaphana jūmys ısteidı. Mekeme kıtaphanasynda 2500-dai kıtap bar. Orys qazaq tılındegı türlı taqyryptarda jazylǧan kıtaptardy alyp oquǧa bolady. Mūnda sottalǧandar dıni kıtaptardy da alyp oquǧa jaǧdai jasalǧan. Kıtaphana qorynda qaladaǧy kıtap dükenderınde nemese kıtaphanalarynda tabyla bermeitın kıtaptar saqtalǧan. Mysaly keltıretın bolsaq: 1812 jylǧy orys-fransuz soǧysy, Petr 1-şı turaly eŋbekter, qazaqtyŋ bır tuar tūlǧasy Esenberlinnıŋ «Köşpendıler» men «Altyn opdasy», «Altai joly» Tahaui Ahtanovtyŋ «Otan soǧysy» turaly kıtaptary közge tosyn körınıp, qyzyqtyra ketetın dünieler jetkılıktı. Kıtaptardy özıŋmen bırge alyp ketıp jasaqta oquǧa, sonymen qatar kıtaphananyŋ oqu zalynda otyryp oquǧa da mümkındık bar. Kıtaphanada qazırgı jastardyŋ köpşılıktıŋ qyzyqty taqryby fantastika älemı turaly kıtaptarda barşylyq. Özımızdıŋ qazaq salt-dästürı, qazaq tarihynan habar beretın kıtaptar da az emes. Sondyqtan mekeme kıtaphanasynyŋ basty maqsaty sottalǧandardyŋ mınez-qūlqyn tüzetu, olardy laiyqty imandy azamat retınde qalyptastyryp, qoǧamǧa qaita qosu ısıne özınıŋ qomaqty ülesın qosuda dep aituǧa bolady.