Taldyqorǧan tūrǧyny 12 jastaǧy ögei qyzyn üş jyl boiy azǧyryp keldı degen küdıkpen ūstaldy. Būl turaly kriminaldyq polisiia departamentı kiberqylmysqa qarsy küres ortalyǧy basşysynyŋ mındetın atqaruşy Rüstem Düisetaev habarlady, dep habarlaidy «Adyrna» tılşısı «Astana» arnasyna sılteme jasap.
Qorlyq körgen qyz özıne qol salmaqşy bolǧan. Mamandardyŋ aralasuymen būl ıs şeşımın tapty. Bıraq elımızde karantin jäne şekteu şaralary engızılgen kezeŋde mūndai qylmystar sany edäuır artqan.
"Taldyqorǧandyq 12 jasar qyzdy anyqtadyq. Ol ögei äkesı tisetının jazǧan. Seisenbıde aqparat keldı, senbıde ol özın öltıremın dep qorqytty. Jūmys barysynda ögei qyzyn üş jyl boiy zorlap kelgen ögei äkenı ūstadyq", – dedı QR IIM kiberqylmysqa qarsy küres ortalyǧy bastyǧynyŋ orynbasary Rüstem Düisetaev.Sondai-aq, kämeletke tolmaǧan jetkınşekpen intimdık taqyrypta hat almasqan Almaty qalasynyŋ 24 jastaǧy tūrǧyny ūstaldy. Būǧan qatysty qylmystyq ıs sotqa joldanǧan.
"Jyl basynan berı pornografiia, esırtkı qylmystary, onlain kazinolar qyzmetı, qarjy piramidalary, basqa da alaiaqtyq shemalar, qatygezdık nemese suisid kultın nasihattau, qaru satu jäne t.b. qosa alǧanda 7300 şeteldık internet-resurs anyqtaldy. Olardyŋ mälımetı Qazaqstan aumaǧynan kıruge tyiym salu üşın aqparattyq jüiege engızılgen", – dedı Rüstem Düisetaev.
«Adyrna» ūlttyq portaly
