Almatynyŋ qylmystyq ıster jönındegı mamandandyrylǧan audanaralyq soty 19 jastaǧy Aiajan Edılovany zorlady jäne aiuandyqpen öltırdı dep aiyptalǧan Rahmanberdı Törebekovke ükım şyǧardy dep habarlaidy "Adyrna" ūlttyq portaly "orda.kz-ke" sılteme jasap.
Sot aiyptaluşyny 25 jylǧa bas bostandyǧynan aiyrdy. Sot jabyq öttı, sottaluşy alqabiler sotynan bas tartty.
Aiajan Edılovany öltıru ısı – 2021 jyldyŋ eŋ atyşuly ısterınıŋ bırı. Student Almatydaǧy sūlulyq salondarynyŋ bırınde jūmys ıstegen. 19 nauryz künı keşke ol jūmystan şyǧyp, üiıne oralmaǧan. Ol üş künnen keiın ölı tabyldy. Qyzdy aiuandyqpen öltırgen: denesın bölşektep, qoqys jäşıkterıne tyǧyp qoiǧan.Poliseiler kısı öltırdı degen küdıkpen Türkıstan oblysynyŋ 28 jastaǧy tūrǧynyn ūstady. Tärtıp saqşylary ol tūryp jatqan päterdıŋ esıgın būzǧan kezde, küdıktınıŋ öz-özıne qol jūmsamaq bolǧanyn anyqtady. Ony auruhanaǧa aparyp, konvoi taǧaiyndady. Auruhanadan şyqqan soŋ ony izoliatorǧa auystyrdy.
Almaty qalalyq Kriminaldyq polisiia basqarmasynyŋ bastyǧy Erkın Iŋkärov qyz joǧalǧan künı äleumettık jelıde tanysqan jıgıtpen kezdespek bolǧanyn aitty.Bıraq marqūmnyŋ tuystary Aiajannyŋ özın jaqsy tanymaityn adammen kezdesuge ketkenıne senbegen. Olar qyz ony jūmys ornynda kezdestırdı dep esepteidı. Tuystary Qazaqstan prezidentı Qasym-Jomart Toqaevtan būl mäselenı jeke baqylauyna aluyn ötındı. Küdıktı ziialy otbasynan şyqqan, joǧary medisinalyq bılımı bar, körşılerı ony tärbielı, mädeniettı adam retınde tanityny belgılı boldy.
"Adyrna" ūlttyq portaly.
