Qazaqstandyq 50 üzdık ǧalym 6 mln teŋgeden syiaqy aldy

«Üzdık ǧylymi qyzmetker — 2021» syilyǧynyŋ qorytyndysy belgılı boldy. Ǧylymi-zertteu instituttary men joǧary oqu oryndarynyŋ 50 ǧalymy jeŋımpaz atandy. Olardyŋ ärqaisysy 2000 AEK, iaǧni 5 mln 834 myŋ teŋge kölemınde kuälık pen syiaqy alady. El Prezidentı Q.K. Toqaev ǧalymdardy qoldauǧa erekşe köŋıl böledı. Memleket basşysynyŋ tapsyrmasy boiynşa biyl 500-ge juyq ǧalymnyŋ ǧylymi taǧylymdamadan ötuıne stipendiia taǧaiyndaldy, sonymen qatar postdoktorantura üşın jas ǧalymdarǧa 1000 grant bölındı. Prezident tarapynan ǧalymdardy qoldaudyŋ kezektı şarasy jyl saiynǧy «Üzdık ǧylymi qyzmetker» syilyǧyn taǧaiyndau boldy. Ol ǧylym men tehnikanyŋ damuyna eleulı üles qosqan ǧalymdardy, ǧylymi qyzmetkerlerdı qoldauǧa baǧyttalǧan.  «Memleket basşysynyŋ tapsyrmasy boiynşa Bılım jäne ǧylym ministrlıgı ǧalymdar men ǧylymi ūiymdardyŋ, joǧary jäne joǧary oqu ornynan keiıngı bılım beru ūiymdarynyŋ qyzmetkerlerın jan-jaqty qoldau mäselelerıne nazar audarady. Osy jyly ministrlık alǧaş ret elımızdıŋ üzdık ǧalymdary üşın syiaqy taǧaiyndady. Konkursqa qatysuǧa ötınımder osy konkurs üşın arnaiy qūrylǧan jäne avtomatty türde segız ölşemşart boiynşa baldary bar aqparattyq jüie arqyly qabyldandy. Būl baiqaudyŋ aşyqtyǧy men transparenttılıgın qamtamasyz ettı. Ǧylymi jetıstıkterdı baǧalau kriteriilerı ǧylymi jäne saraptamalyq qauymdastyqpen bırge jasaldy. Baiqaudyŋ barlyq qatysuşysy ötınım beru kezeŋınde öz baldaryn köre aldy. Olardy komissiia qarady jäne saraptamalyq toptar ūsynylǧan qūjattardyŋ bekıtılgen kriteriilerge säikestıgın seksiialarda tekserdı. Komissiia men sarapşylar tobynyŋ qūramynda jetekşı ǧalymdar, täuelsız sarapşylar, memlekettık organdardyŋ ökılderı, jas ǧalymdar keŋesı men jas ǧalymdar aliansynyŋ müşelerı jūmys ıstedı»,— dep atap öttı QR BǦM Ǧylym komitetınıŋ töraiymy Janna Qūrmanǧalieva. Konkursqa qatysu üşın barlyǧy 7 baǧyt boiynşa 575 ötınım kelıp tüstı. Konkursqa qatysuşylardyŋ arasynda jaratylystanu ǧylymdary, injiniring jäne tehnologiialar, medisina jäne densaulyq saqtau, äleumettık jäne gumanitarlyq ǧylymdar, auyl şaruaşylyǧy jäne veterinariia ǧylymdary, äskeri ǧylymdar jäne Ūlttyq qauıpsızdık ǧalymdary boldy. Nätijesınde Komissiia 6 ǧylymi zertteu instituttary men 16 joǧary oqu orynynan  50 ǧalymǧa "Üzdık ǧylymi qyzmetker-2021" syilyǧyn beru turaly şeşım qabyldady. Olardyŋ arasynda  L. N. Gumilev atyndaǧy Euraziia ūlttyq universitetınıŋ professory Rahmetqajy Bersımbai, Iаdrolyq fizika instituty filialynyŋ jetekşısı Maksim Zdoroves, Qaraǧandy tehnikalyq universitetınıŋ professory Aristotel İsagulov, Onkologiia jäne radiologiia ǧylymi zertteu institutynyŋ  basqarma töraiymy Diliara Qaidarova, Äl-Farabi atyndaǧy Qazaq ūlttyq universitetınıŋ professory PhD doktory Qairat Däuletov, Qazaq ūlttyq agrarlyq zertteu universitetınıŋ professory Qaisar Tabynov jäne basqalar qatysty.