Búgin Shymkent qalasynyń ákimi Murat Áıtenov Eńbekshi aýdanyna qarasty Qarabastaý turǵyn alabyna arnaıy baryp, ınjenerlik júıelermen qamtý, jol jóndeý, abattandyrý boıynsha atqarylǵan jumystardy qadaǵalady.
Qalanyń bes jyldyq damý josparyna sáıkes, eldi mekenderdi ınjenerlik jelilermen qamtýdyń Jol kartasy bekitilgen. Qala shaǵyn aýdandary men turǵyn alaptarynda aıqyndalǵan ózekti máseleler osy mejege sáıkes kezeń-kezeńimen sheshiletin bolady.
Bıylǵy jyly turǵyn alaptyń jańaqurylys aýmaǵynda qonystanǵan bir jarym myńǵa jýyq abonentti sapaly aýyz sýmen qamtýdyń jobalaý-smetalyq qujattary ázirlenip, memlekettik saraptamadan ótkizilýde. Tártipke sáıkes, qajetti qujattar toptamasy ázirlengennen keıin nysan qurylysyna qarjy baǵyttalyp, jańa sý qubyrlary tartylatyn bolady.
Eldi mekendegi elektr jelilerin jańartý baǵytynda bıylǵy jyly «Ońtústik Jaryq Tranzıt» JShS-niń ınvestıııalyq baǵdarlamasy aıasynda qurylys-montajdaý jumystary júrgizildi. Joba boıynsha 19 shaqyrym elektr jelileri tartylyp, 800-ge jýyq baǵan men 5 transformatorlyq beketter aýystyrylǵan. Jańaqurylys aýmaǵynda 750 abonentti bıýdjet esebinen sapaly elektr jelisimen qamtý jumystary atqaryldy. Nátıjesinde, eldi mekendegi 1350 jańa abonent sapaly elektr qýatymen qamtyldy.
Tabıǵı gaz júıelerin tartý boıynsha kelesi jyly tıisti jobalyq-smetalyq qujattar ázirlenetin bolady.
Jol ınfraqurylymy salasynda jańaqurylys aýmaǵyndaǵy 26 kóshede tas tóseý jumystary júrgizilgen. Osy aýmaqta ashyq úlgidegi zamanaýı sport alańshasy turǵyndar ıgiligine berilgen.
Qala ákimi atalǵan jumystardyń barlyǵy turǵyndardyń ıgiligi úshin atqarylyp jatqanyn atap ótti. Eldi mekenderde azamattar úshin laıyqty ómir sapasyn qamtamasyz etý baǵytynda aýqymdy jumystar josparly túrde júzege asyp, eldi mekendegi ózekti máseleler retimen sheshiletindigin aıtty.
Shymkent qalasy ákimdiginiń baspasóz qyzmeti
