Prezident Qasym-Jomart Toqaev QHR Töraǧasy Si Szinpinge Qazaqstan men Qytai arasynda diplomatiialyq qarym-qatynastardyŋ ornaǧanyna 30 jyl toluyna orai qūttyqtau hatyn joldady, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
Memleket basşysy ekı eldıŋ tarihi tūrǧydan qysqa merzım ışınde älemdık deŋgeidegı ülgılı memleketaralyq qatynas qalyptastyrǧanyn atap öttı.
– Būǧan menıŋ 2019 jyly elıŋızge jasaǧan saparym barysynda yntymaqtastyǧymyzdy mäŋgı jan-jaqty strategiialyq ärıptestıkke köteru turaly jariialaǧanymyz dälel. Būl tarihi şeşımımız tatu körşılık, özara senım men qoldauǧa negızdelgen teŋ qūqyly qatynastar qūru baǧytyndaǧy ekı jaqty küş-jıgerımızdıŋ şaryqtau şyŋy boldy. Atap aitqanda, ortaq şekaramyzǧa qatysty barlyq mäselelerdıŋ tüiını tarqap, bügınde ol dostyq pen bırlık köpırıne ainaldy. Osy rette, Qazaqstan men Qytai şekarasyndaǧy özenderge qatysty kelıssözderdı juyq arada aiaqtau memleketaralyq yqpaldastyq jylnamasynyŋ taǧy bır jarqyn betı bolary anyq, – dedı Qasym-Jomart Toqaev.Prezident memleketterımız arasyndaǧy özara tüsınıstık ruhyndaǧy saiasi ahualdyŋ sauda-ekonomikalyq jäne investisiialyq baǧyttaǧy qarqyndy yntymaqtastyǧymyzdyŋ kepılı ekenın aitty. Osyndai yqpaldastyqtyŋ nätijesınde käsıpkerlık pen halyqtarymyzdyŋ igılıgıne baǧyttalǧan köptegen bırlesken joba tabysty jüzege asyrylyp keledı.
– Qazaqstan men Qytaidy myŋdaǧan şaqyrymǧa sozylǧan temır jäne kölık joldary, mūnai jäne gaz qūbyrlary jalǧap otyrǧanyn erekşe atap ötemın. Osy tūrǧydan, «Nūrly jol» strategiiasy men «Bır beldeu, bır jol» bastamasynyŋ negızgı baǧdary sanalatyn būl «temır keruen» jyl saiyn taraptarǧa köptegen otandastarymyzdy, milliondaǧan tonna jükterdı jäne milliardtaǧan tekşe metr tabiǧi gazdy tasymaldauǧa mümkındık beredı, – dedı Memleket basşysy.Sonymen qatar Prezident ekı el ükımetınıŋ ortaq müddelerımızdı sättı ılgerıletude, COVID-19 ındetınıŋ saldaryn joiuda qajyrly jūmys ıstep jatqanyna toqtaldy. Qasym-Jomart Toqaevtyŋ aituynşa, ekıjaqty yntymaqtastyqtyŋ örkendeuıne jäne mäŋgı jan-jaqty strategiialyq ärıptestıktı odan ärı tereŋdetuge qosyp otyrǧan QHR Töraǧasynyŋ jeke ülesın Qazaqstanda joǧary baǧalaidy. Sondai-aq Memleket basşysy resmi jäne jūmys tärtıbınde tūraqty bailanystardy nyǧaituda bırlese küş-jıger jūmyldyruǧa ärdaiym daiyn ekenın jetkızdı. Qūttyqtau soŋynda Qasym-Jomart Toqaev Si Szinpinnıŋ asa jauapty qyzmetıne tolaǧai tabys, al dostas Qytai halqyna mol yrys pen qūt-bereke tıledı.
"Adyrna" ūlttyq portaly
