Käsıpkerler palatasynyŋ Almatydaǧy direktory tärtıpsızdıkter kezınde biznes qanşalyq zardap şekkenın jäne qandai nysandar aldaǧy jūmysyn jalǧastyra alatynyn aitty, - dep habarlaidy “Adyrna” ūlttyq portaly Tengrinews.kz saityna sılteme jasap.
"Atameken" käsıpkerler palatasynyŋ Almaty boiynşa direktory Aituar Qoşmambetovtıŋ szınşe, qalada miting, jappai tärtıpsızdık pn terroristık akt kezınde, 8 qaŋtardaǧy jaǧdai boiynşa, 1027 nysanda ornalasqan 856 käsıpkerdıŋ biznesı zardap şekken. Qoşmambetov būl tek "Atamekenge" habarlasqan käsıpkerler ekenın aitady. Aldyn ala esep boiynşa, jalpy 86 milliard teŋgege zalal keltırılgen.
"Eŋ aldymen sauda oryndary, sauda jelılerı, tehnika, baǧaly zattar, kiım satatyn dükender, jalpy qolǧa salyp alyp ketuge bolatyn zattar, ūialy telefondar satatyn dükender zardap şekken. Qaru-jaraq satylatyn dükender tonalǧan. Irı sauda jelılerı jäne sauda ortalyqtary da bar. Sonymen qatar, 30 şaqty qyzmet körsetu, qoǧamdyq tamaqtanu oryndary zardap şekken. Maroderler qandai maqsatpen būl nysandarǧa şabuyl jasaǧany belgısız", - deidı Qoşmambetov.
"Atamekennıŋ" Almaty boiynşa direktorynyŋ sözınşe, qalada negızgı qauıp - azyq-tülıktıŋ jetıspeuı bolyp otyr. Tūrǧyndar dükendegı nandy köptep satyp alyp jatyr.
"Palatamen bırge äkımdık bırneşe sauda jelısın aşudy şeştı. Olardy äskeriler men polisiia küzetedı. Sonymen qatar, 10 sauda bazary erteŋnen bastap qysqa rejimde jūmys ıstei bastaidy. Qaladaǧy barlyq ırı bazar jūmys ısteudı bastaudy ūsyndy jäne bügınde būl mäsele talqylanyp jatyr. Ärine, qalalyq ştab pen komendatura är bazardy küzetuge polisiia men äskeriler böle almaidy, sondyqtan bazarlardyŋ aşyluy mäselesın bazarlardyŋ özı şeşedı. Qauıp töngen jaǧdaida olar kez kelgen uaqytta jabyla alady", - deidı Aituar Qoşmambetov.
Sondai-aq Qoşmambetov "Atameken" qaladaǧy naubaihanalar men därıhanalardyŋ üzdıksız jūmys ıstep tūruyna jaǧdai jasaǧanyn atap öttı. Palata direktorynyŋ sözınşe, üilerge jaqyn oranlasqan dükenderde nan aluǧa mümkındık bar, al 70-ke juyq därıhana därımen qamtamasyz etılıp jatyr.
Aita keteiık, būǧan deiın käsıpkerler palatasy tärtıpsızdıkter kezınde biznesı zardap şekken käsıpkerlerge arnalǧan jedel jelı qosqanyn habarlanǧan bolatyn: 1432 (tegın), 8
8000808010, WhatsApp:
8 778 870 1432.
Almaty:
8 7273 310 133
Almaty oblysy:
8 7282 401999
Maŋǧystau oblysy:
8 7292 304040
“Adyrna” ūlttyq portaly
Basqalarmen bölıse
otyryŋyz
