6 qaŋtarda Almaty äkımı Baqytjan Saǧyntaevtyŋ kortejıne şabuyl jasaldy. Oqiǧanyŋ män-jaiyn "Almaty" telearnasynyŋ bas direktory Nūrjan Jalauqyzy aityp berdı. Şabuyl kezınde telearna qyzetkerlerınıŋ bırı qaza boldy, - dep habarlaidy "Adyrna" portaly Tengrinews.kz-ke sılteme jasap.
"Jürgızuşımız Mūrathan Bazarbaev qyzmettık mındetın atqaru kezınde qaza boldy. Arnaiy tehnika operatory Diasken Baitibaev jaralandy. Onyŋ oŋ qolyna oq tigen, ekı sausaǧynan aiyryldy. Üşınşı qyzmetker - operator Arsen Sandybaev aman-esen", - dedı Nūrjan Jalauqyzy.Qaza bolǧan jürgızuşınıŋ aiaǧy men ışıne oq tigen.
"Qazır Diasken auruhanada, oǧan barynşa qoldau körsetıp jatyrmyz. Olardyŋ otbasyna qajettı kömek körsetıledı. Būl tıptı talqylanbaidy da", - dedı Jalauqyzy."Almaty" telearnasynyŋ direktory tüsırılım tobyna qalai şabuyl jasalǧanyn aityp berdı.
"Olar 6 qaŋtarda, keşke Respublika alaŋyna şyqty. Äsker alaŋdy baqylauǧa alǧany aityldy. Mūrathan aǧa keŋsege jaqyn maŋda tūratyn, bärı sol kısınıŋ kölıgıne otyryp şyqqan. Äl-Farabi daŋǧylynan Furmanovqa (Nazarbaev - esk.) būrylǧanda olarǧa oq jaudyrǧan", - dedı Jalauqyzy.Ol tüsırılım toby qala äkımı Baqytjan Saǧyntaevtyŋ kortejı qūramynda bolǧanyn rastady.
"Ärıptesımız Mūrathan Bazarbaevtyŋ otbasyna jäne jaqyndaryna qaiǧyra köŋıl aitamyz. Onyŋ batyldyǧy, jūmysyna berılgendıgı jäne qyzmetı mäŋgı jadymyzda", - dedı Nūrjan Jalauqyzy.Būǧan deiın Almaty äkımı Baqytjan Saǧyntaevqa şabuyl jasalǧany habarlanǧan bolatyn.
Ūqsas jaŋalyqtar
