Tötenşe jaǧdai kezınde Şymkenttegı bılım beru mekemelerı qalai jūmys ısteidı?

Şymkentte 5 qaŋtardan bastap engızılgen tötenşe jaǧdaiǧa bailanysty oquşylar men studentterdıŋ qysqy demalysy ūzartyldy. Al balabaqşalar ştattyq rejimde jūmys ısteidı. Sonymen qatar 10 qaŋtar men 10 aqpan aralyǧynda ötkızıluge josparlanǧan Ūlttyq bıryŋǧai testıleuge de özgerıster engızıldı. Būl turaly Şymkent qalalyq bılım basqarmasynyŋ basşysy Janat TÄJİEVA mälımdedı. Janat Arysbekqyzy QR Bılım jäne ǧylym ministrlıgınıŋ tıkelei būiryǧymen mektepterde qysqy demalys 17 qaŋtarǧa deiın, al kolledjder men JOO studentterınıŋ demalysy 24 qaŋtarǧa deiın ūzartylǧanyn jetkızdı. Elımızde tötenşe jaǧdai rejimınıŋ engızıluıne bailanysty 2022 jylǧy 10 qaŋtar men 10 aqpanǧa josparlanǧan ūlttyq bıryŋǧai testıleu (būdan ärı - ŪBT) 25 qaŋtar men 22 aqpan aralyǧynda ötkızıletın bolady. Būl rette, 11 qaŋtar men 24 qaŋtar aralyǧyndaǧy josparlanǧan ŪBT kelesı künderge: - 11 qaŋtarda ötkızıletın ŪBT 29 qaŋtarǧa; - 12 qaŋtardaǧy ŪBT – 5 aqpanǧa; - 13 qaŋtardaǧy ŪBT – 11 aqpanǧa; - 14 qaŋtardaǧy ŪBT – 12 aqpanǧa; - 15 qaŋtardaǧy ŪBT – 21 aqpanǧa; - 17 qaŋtardaǧy ŪBT – 14 aqpanǧa; - 18 qaŋtardaǧy ŪBT – 15 aqpanǧa; - 19 qaŋtardaǧy ŪBT – 16 aqpanǧa; - 20 qaŋtardaǧy ŪBT – 17 aqpanǧa; - 21 qaŋtardaǧy ŪBT – 18 aqpanǧa; - 24 qaŋtardaǧy ŪBT – 19 aqpanǧa şegerıletın bolady. Al, basqa merzımge josparlanǧan ŪBT öz uaqytymen ötetın bolady. Sonymen qatar, ŪBT-ǧa ötınışterdı qabyldau merzımı 2022 jylǧy 21 qaŋtarǧa deiın ūzartylatynyn atap öttı. – Joǧary jäne joǧary oqu ornynan keiıngı bılım beru baǧdarlamalaryn ıske asyratyn bılım beru ūiymdarynyŋ bılım aluşylary men mektep oquşylaryna ŪBT merzımınıŋ özgergenı turaly habarlaimyz. Testılenuşı özgergen testıleu künımen jeke kabinetınen tanysa alady. Prezidentımız Q.K. Toqaevtyŋ syn saǧatta janymyzda bolyp, barlyq ahualdy bırden baqylauǧa alyp, halqyna arnaǧan Ündeuın tyŋdap, jaǧdaidyŋ jaqsaratynyna sendık. Egemen el retınde quatty memleketke ainalatynymyzǧa senemız. Qalamyzdaǧy jaǧdailarǧa bailanysty ata-analarǧa balalarynyŋ qauıpsızdıgın qamtamasyz etulerın, üiden şyǧarmai ūstaularyn jäne ünemı eresek adamdardyŋ janynda boluyn qadaǧalaularyŋyzdy sūranamyz, - dedı J.Täjieva.