Shymkentte engizilgen tótenshe jaǵdaıǵa qaramastan qoǵamdyq kólikterdiń jumysy toqtaǵan joq. Búgingi tańda jolaýshylar dittegen jerlerine kedergisiz jetýde. Avtobýstar shtattyq rejımde tańǵy saǵat 7.00-den keshke 21.00-ge deıin barlyq baǵytta qyzmet kórsetýde. Internet baılanysynyń shektelýine oraı alǵashqyda jolaqy tek qolma-qol júzege asyrylǵanymen, qazir jolaýshylar elektrondyq tólemmen tóleýge múmkindik aldy.
Qaqtyǵys kezinde áskerıler men quqyq qorǵaý organdaryna kómek retinde avtobýstar jetkizip berildi. Búlikshiler ákimdik mańaıyndaǵy 3 avtobýsty tas-talqan etken. Qazir mekeme basshylary shyǵyndardy eseptep, tıisti usynystaryn ázirleýde. Al oryn alǵan jappaı tártipsizdik áreketterinen soń qoǵamdyq kólikter 6 qańtar kúni ýaqytsha baǵyttarǵa shyqqan joq.
«T BUS» kompanııasy dırektorynyń orynbasary Ábdibek Úkibaev qala halqynyń deni búginde elektrondy tólem júıesine jappaı kóshkenin aıtady. Alaıda, ınternettiń joqtyǵynan iske qosylmaı turǵan qurylǵylar jolaýshylardyń qatynaýyna eshqandaı kedergi bolyp otyrǵan joq.
Aıta keteıik, shaharda 78 baǵytta avtobýs qatynaıdy. Kún saıyn belgilengen keste boıynsha 1 myńǵa jýyq qoǵamdyq kólik jolǵa shyǵady.
