Qaıyrbek Óskenbaev Indýstrııa jáne ınfraqurylymdyq damý mınıstri bolyp taǵaıyndaldy

1734
Adyrna.kz Telegram

Qaıyrbek Óskenbaev Indýstrııa jáne ınfraqurylymdyq damý mınıstri bolyp taǵaıyndaldy,  dep habarlaıdy "Adyrna" ulttyq portaly. 

Qaıyrbek Óskenbaev 1964 jyly Astana qalasynda dúnıege kelgen.

1986 jyly KSRO IIM Qaraǵandy joǵary mektebin, 1996 jyly — Aqmola agrarlyq ýnıversıtetin jáne 2004 jyly L. N. Gýmılev atyndaǵy EUÝ Dıplomatııalyq akademııasyn támamdaǵan.

Zańger, uıymdastyrýshy-ekonomıst jáne halyqaralyq qatynastar salasyndaǵy maman retinde bilikti.

Eńbek jolyn 1982 jyly bastaǵan. 1982 – 1993 jyldary ishki ister organdarynda qyzmet etken, Aqmola qalalyq ákimshiliginiń kommýnaldyq menshik bóliminiń meńgerýshisi laýazymyn atqarǵan.

1993 – 1996 jyldary bas keńesshi zańger, zańdy qamsyzdandyrý jáne baqylaý bóliminiń basshysy, QR memlekettik múlik boıynsha Aqmola aýmaqtyq komıtetiniń jekeshelendirý jónindegi bıýro dırektory retinde jumys istegen.

1996 – 2006 jyldar aralyǵynda QR jekeshelendirý boıynsha Aqmola oblysy boıynsha Memlekettik komıtetiniń basqarma tóraǵasynyń orynbasary, Memlekettik múlikti basqarý boıynsha Aqmola aýmaqtyq komıtetiniń tóraǵasy, Aqmola qalasy boıynsha memlekettik múlik jáne jekeshelendirý boıynsha aýmaqtyq komıtet tóraǵasy, «Astana qalasynyń kommýnaldyq menshik qory» memlekettik kommýnaldyq kásipornynyń dırektory, QR Indýstrııa jáne saýda mınıstrliginiń Saýda jáne týrıstik qyzmetti retteý komıtetiniń tóraǵasy qyzmetterin atqarǵan.

2006 – 2011 jyldary QR Týrızm jáne sport mınıstrliginiń Týrızm ındýstrııasy jónindegi komıtetiniń tóraǵasy jáne Qazaqstan Respýblıkasynyń týrızm jáne sport vıe-mınıstri retinde jumys istegen.

2011 – 2016 jyldary «20015 áskerı bólimshesi» RMM materıaldyq-tehnıkalyq qamsyzdandyrýdyń basty basqarmasynyń basshysy, «QazMunaıGaz – Servıs» JShS bas dırektorynyń orynbasary, QR aımaqtyq damý birinshi vıe-mınıstri jáne QR ulttyq ekonomıka vıe-mınıstri qyzmetterin atqarǵan.

2016-2018 jj. – «Báıterek» UBH» AQ basqarýshy dırektory.

2018 jyldyń 24 qańtarynan – 2019 jyldyń 20 naýryzyna deıin – ındýstrııa jáne ınfraqurylymdyq damý vıe-mınıstri.

2019 jyldyń 20 naýryzynan – Qazaqstan Respýblıkasy ındýstrııa jáne ınfraqurylymdyq damý birinshi vıe-mınıstri.

"Adyrna" ulttyq portaly 

Pikirler