«Adyrna» ūlttyq portalynyŋ tılşısı juyrda ǧana kelısımşartyn ūzartqan «Astana Qazaqstan Team» velokomandasynyŋ şabandozy Aleksei Lusenkomen sūhbattasqan bolatyn, sony nazarlaryŋyzǧa ūsynamyz:
– Aleksei Aleksandrovich, velosportqa qalai keldıŋız?
Menıŋ alǧaşqy jattyqtyruşym Potapov boldy. Naqty esımde joq 2006 nemese 2005 jyly auyldan keldık. Velosport üiırmesıne jazylyp, alǧaşqy velosipedımdı aldym. Sport internatyna kelgennen bastap, jaqsy nätijeler körıne bastady. Osylaişa, velosportqa tüstım.– Sızdıŋ soŋǧy jarysyŋyz italiandyq «Serenissima Gravel» qiyrşyq tas jolynda boldy. Onda sız mausymdaǧy ekınşı jeŋısıŋızge qol jetkızdıŋız. Sızden basqa, «Astananyŋ» atynan üş italiialyq şabandoz - Fabio Felline, Samuela Battistella jäne Davide Martinelli öner körsettı. Osy jarys turaly jäne jeŋıs kezındegı sezımıŋız turaly aityp berıŋızşı?!
«Astana Qazaqstan Team» velokomandasynda öner körsetu kez kelgen qazaqstandyq sportşy üşın ülken märtebe. Onyŋ üstıne är eldıŋ özınıŋ jeke käsıbi komandasy bola bermeidı. Sondyqtan älemdık velododalarǧa qatysu mümkındıgı joǧary, sondai-aq el namysyn laiyqty deŋgeide qorǧau men üşın de maŋyzdy. Jeŋıs sätındegı sezımım turaly aitar bolsam, kädımgı sezım, qabyldauym qarapaiym. Būl sport, būl jarys, bırde jeŋıs, endı bırde jeŋılıs bolady. Ärine, qiyrşyq tas jolynda baq synadym. Men üşın būl jarys qiynǧa soqty. Öitkenı qiyrşyqty tasjol qarapaiym jarys jolynan özgeşerek. Sonymen qatar joldar tar ärı būrylystar sany köbırek. Al mūndai jaǧdaida velosipedtı basqaru qiyn. Bıraq bärı oidaǧydai öttı.– Velosiped Nūr-Sūltanda tanymal kölık qūralyna ainaluda. Jaŋadan bastap jatqandarǧa jäne velosiped äuesqoilaryna qandai keŋester beresız?
Aitarym, velosportpen jiı jattyǧyŋyz. Eger sızge velosport köbırek ūnaityn bolsa. Äsırese Nūr-Sūltan qalasynda. Bıraq qazırgı uaqytta aua raiy mümkındık bermeidı. Bıraq velotrekke kelıp jattyǧu mümkındıgı bar.– Jaŋa mausymnan ne kütesız? Qazır sporttyq jiynda jürsız, künıŋız qalai ötedı? Kün tärtıbı qalai?
Bırınşıden, men käsıbi mansabymdy qazaqstandyq «Astana» komandasynda odan ärı jalǧastyratynyma öte quanyştymyn. Komandada ötkızgen jyldar ışınde men köşbasşy deŋgeiıne deiın jettım. Endı men ärı qarai damudy jalǧastyru üşın jauapkerşılık, yntalandyru, jaŋa jetıstıkterge ūmtylu jäne köşbasşylyǧymdy är joly jaŋa jeŋıstermen däleldeuım kerek. Biyl jalpy eseptegı saiysta, sondai-aq «Kriterium diu Dofine» men Grand-Turlar siiaqty ülken aptalyq jarystarda jaqsy nätije körsettım. «Tur de Franstyŋ» jalpy esebınde jetınşı oryn ielengenım bolaşaqta jeŋıs tūǧyrynan körınuge menı jıgerlendıredı. Sonymen, jaŋa mausymdy «Astana» komandasymen bırge jaŋa maqsattarmen bastaimyn. Joba menedjerlerımen jäne bapkerlermen bırge negızgı maqsattardy dūrys aiqyndai alatynymyzǧa senımdımın. Sodan keiın bız qalaǧan maqsatymyzǧa jetu üşın bar küşımızdı salamyz. Qazırgı uaqytta jiyndarǧa qatysyp jürgen joqpyn. Otbasymmen şaǧyn demalystamyn.Eske sala keteiık, komandanyŋ 28 jastaǧy jetekşısı aldaǧy üş mausym boiy (2022-2024) ūlttyq velojobanyŋ namysyn qorǧaityn bolady. «Astana» käsıbi sport klubynyŋ bas serıktesı – «Samūryq-Qazyna» ŪÄQ» AQ, qūryltaişysy – Turizm industriiasy men sportty qoldau qory
Oralbai MERGENBAIŪLY
