Almaty äuejaiy jūmysyn qaşan bastaityny belgılı boldy

3599
Adyrna.kz Telegram
https://adyrna.kz/content/uploads/2022/01/izobrazhenie_2022-01-12_144711.png
Almaty äuejaiy 13 qaŋtardan bastap jūmysyn jalǧastyrady. Būl turaly QR IIM TQK baspasöz qyzmetı habarlady.
"2022 jyldyŋ 13 qaŋtarynan bastap Almaty halyqaralyq äuejaiy jūmysyn qaita bastaidy. Äuejai basşylyǧynyŋ aldyn ala mälımetı boiynşa ışkı jäne halyqaralyq reister äue kompaniiasynyŋ ūşu kestesınıŋ uaqytyna säikes saǧat 8.00-den 21.00-ge deiın oryndalady", - dep habarlaidy baspasöz qyzmetı.
Almaty äuejaiynyŋ baspasöz qyzmetı äue ailaǧy 2022 jyldyŋ 13 qaŋtarynan bastap saǧat 00.00-de jūmysyn jalǧastyratynyn habarlady.
"Almaty qalasynda komendanttyq saǧattyŋ engızıluıne bailanysty äuejai saǧat 08.00-den 21.00-ge deiın jūmys ısteidı. Işkı reister de, halyqaralyq reister de oryndalady. Qauıpsızdıktı qamtamasyz etu maqsatynda terminalǧa tek jolauşylar ǧana kıre alady", - delıngen habarlamada.
Eske sala keteiık, 6 qaŋtarda Almaty äuejaiy basyp alynyp, nätijesınde bes ūşaq qaraqşylardyŋ qolynda bolǧan edı. Keiın qalanyŋ äue ailaǧy bosatyldy, bıraq äuejaidyŋ jūmysy äuelı 9 qaŋtarǧa deiın uaqytşa, keiınırek belgısız merzımge toqtatyldy. Qaŋtardyŋ 11-ı künı Almaty äkımı qala äuejaiyndaǧy barlyq tehnikanyŋ retke keltırılıp, jūmysqa daiyn ekenın aitty. Almaty äuejaiyna keluge tiıs reisterdıŋ köpşılıgın Nūr-Sūltan men Şymkent äue ailaqtary qabyldady.

"Adyrna" ūlttyq portaly

Pıkırler