Abai audanynyŋ äkımı Būharbai Parmanov SES mamandarymen bırge qalanyŋ bırqatar bazaryn aralap, azyq-tülık baǧasyn negızsız ösırmeuge, kovid ındetınıŋ aldyn aluǧa jäne elde oryn alǧan ahualǧa bailanysty halyq ışınde tüsındırme jūmystaryn jürgızdı.
— Elde bolǧan kürdelı jaǧdai ekonomikaǧa kerı äserın tigızdı. Bıraq būl azyq-tülık baǧasynyŋ negızsız ösuıne sebep bolmau kerek. Öitkenı qalada azyq-tülık qory jetkılıktı. Ekınşı mäsele, kovid ındetı jyldam taralyp jatyr. Sondyqtan bazarlar sanitarlyq talaptardy qataŋ saqtauy şart. Sodan keiın adamdardy bırlıkke, yntymaqqa şaqyru, memlekettıŋ basty bailyǧy auyzbırşılık ekenın halyqqa tüsındıru boiynşa jūmystardy ūdaiy qolǧa alatyn bolamyz, - dedı audan äkımı B.Parmanov.
Jūmysşy top «Avtonūr» bazarynda bolyp, sanitarlyq jaǧdaidy baqylap, satuşylardy saqtyq şaralaryn saqtauǧa şaqyrdy.
— Soŋǧy künderı kovid jūqtyru deregı qalada edäuır ösken. Osyǧan bailanysty adamdar gigiena men sanitarlyq talapty küşeitulerı qajet. Äsırese sauda jäne qoǧamdyq oryndarǧa kıru tek «Ashyq» baǧdarlamasymen jüzege asyryluy tiıs. Satuşylardan betperde kiiu jäne qoldy öŋdeitın sanitaizerdıŋ boluy talap etıledı. Şymkent qalasynyŋ memlekettık bas sanitarlyq därıgerı Ä.Tölebaevtyŋ jaŋa qaulysyna säikes üşınşı megapoliste kovid ındetıne qarsy şaralardy küşeitu jūmystary bastaldy. Oǧan säikes barlyq biznes nysandary «Ashyq» qosymşasyna tırkeluı qajet. Sonymen bırge koronavirus dertıne qarsy revaksinasiia jürıp jatyr. Osyǧan orai azamattardy qosymşa ekpe aluǧa şaqyramyn, - dedı sanitarlyq-eidemiologiialyq baqylau basqarmasynyŋ bölım basşysy Şärbat Aibotaeva.
«Abai audany Şymkenttıŋ ekonomikalyq belsendı äkımşılık-aumaqtyq territoriiasyna jatady. Audanda basqalarymen salystyrǧanda eŋ köp sauda oryndary şoǧyrlanǧan. Bügıngı taŋda Abai audanynda ırılı-ūsaqty 13 bazar bar. Megapolis tūrǧyndarynyŋ 32 paiyzyn osy audannyŋ halqy qūraidy. Sondyqtan baǧa tūraqtylyǧyn qamtamasyz etu, ındettıŋ örşıp ketpeuın qadaǧalau jäne qoǧamdyq tynyştyqty saqtau jalpy qala üşın öte maŋyzdy» deidı B.Parmanov.
Öz kezegınde Qyzyljar eldı mekenınıŋ bastauyş ardagerler ūiymynyŋ töraǧasy Bastarhan Baijanov qoǧamdyq tärtıp, adamdardyŋ zaŋdy būzbauy bärınen maŋyzdy ekenın aitty. Elde oryn alǧan oqiǧadan keiın ardagerler ūiymynyŋ müşelerı jastardyŋ tärbielık jūmysyna, ızgılıkke, bauyrmaşyldyqqa ündeitın ügıt-nasihat ıs-şaralaryna şyndap kırıspek.
Äkımdık pen SES mamandary «jabyq bazardyŋ» jaǧdaiymen de tanysty. Betperde kiiu, satyp aluşylardan da sony talap etu boiynşa bazar qyzmetkerlerıne eskertuler jasaldy.
Baqylau jūmystarynyŋ nätijesınde bazarlarda azyq-tülıktıŋ baǧasy tūraqty ekenıne, sanitarlyq talaptar mümkındıgınşe saqtalǧanyna mamandar köz jetkızıp qaitty. Degenmen SES ökılderı sauda oryndarynyŋ basşylarynan sanitarlyq qataŋ şaralardy bosaŋsytyp almauyn sūraidy.
Änuar JŪMAŞBAEV FOTO Serık QOSAEV
