Bazarda baǵa turaqty, sanıtarlyq talap qatań

2137
Adyrna.kz Telegram

Abaı aýdanynyń ákimi Buharbaı Parmanov SES mamandarymen birge qalanyń birqatar bazaryn aralap, azyq-túlik baǵasyn negizsiz ósirmeýge, kovıd indetiniń aldyn alýǵa jáne elde oryn alǵan ahýalǵa baılanysty halyq ishinde túsindirme jumystaryn júrgizdi.

— Elde bolǵan kúrdeli jaǵdaı ekonomıkaǵa keri áserin tıgizdi. Biraq bul azyq-túlik baǵasynyń negizsiz ósýine sebep bolmaý kerek. Óıtkeni qalada azyq-túlik qory jetkilikti. Ekinshi másele, kovıd indeti jyldam taralyp jatyr. Sondyqtan bazarlar sanıtarlyq talaptardy qatań saqtaýy shart. Sodan keıin adamdardy birlikke, yntymaqqa shaqyrý, memlekettiń basty baılyǵy aýyzbirshilik ekenin halyqqa túsindirý boıynsha jumystardy udaıy qolǵa alatyn bolamyz, - dedi aýdan ákimi B.Parmanov.
Jumysshy top «Avtonur» bazarynda bolyp, sanıtarlyq jaǵdaıdy baqylap, satýshylardy saqtyq sharalaryn saqtaýǵa shaqyrdy.
— Sońǵy kúnderi kovıd juqtyrý deregi qalada edáýir ósken. Osyǵan baılanysty adamdar gıgıena men sanıtarlyq talapty kúsheıtýleri qajet. Ásirese saýda jáne qoǵamdyq oryndarǵa kirý tek «Ashyq» baǵdarlamasymen júzege asyrylýy tıis. Satýshylardan betperde kııý jáne qoldy óńdeıtin sanıtaızerdiń bolýy talap etiledi. Shymkent qalasynyń memlekettik bas sanıtarlyq dárigeri Á.Tólebaevtyń jańa qaýlysyna sáıkes úshinshi megapolıste kovıd indetine qarsy sharalardy kúsheıtý jumystary bastaldy. Oǵan sáıkes barlyq bıznes nysandary «Ashyq» qosymshasyna tirkelýi qajet. Sonymen birge koronavırýs dertine qarsy revakınaııa júrip jatyr. Osyǵan oraı azamattardy qosymsha ekpe alýǵa shaqyramyn, - dedi sanıtarlyq-eıdemıologııalyq baqylaý basqarmasynyń bólim basshysy Shárbat Aıbotaeva.
«Abaı aýdany Shymkenttiń ekonomıkalyq belsendi ákimshilik-aýmaqtyq terrıtorııasyna jatady. Aýdanda basqalarymen salystyrǵanda eń kóp saýda oryndary shoǵyrlanǵan. Búgingi tańda Abaı aýdanynda irili-usaqty 13 bazar bar. Megapolıs turǵyndarynyń 32 paıyzyn osy aýdannyń halqy quraıdy. Sondyqtan baǵa turaqtylyǵyn qamtamasyz etý, indettiń órship ketpeýin qadaǵalaý jáne qoǵamdyq tynyshtyqty saqtaý jalpy qala úshin óte mańyzdy» deıdi B.Parmanov.
Óz kezeginde Qyzyljar eldi mekeniniń bastaýysh ardagerler uıymynyń tóraǵasy Bastarhan Baıjanov qoǵamdyq tártip, adamdardyń zańdy buzbaýy bárinen mańyzdy ekenin aıtty. Elde oryn alǵan oqıǵadan keıin ardagerler uıymynyń músheleri jastardyń tárbıelik jumysyna, izgilikke, baýyrmashyldyqqa úndeıtin úgit-nasıhat is-sharalaryna shyndap kirispek.
Ákimdik pen SES mamandary «jabyq bazardyń» jaǵdaıymen de tanysty. Betperde kııý, satyp alýshylardan da sony talap etý boıynsha bazar qyzmetkerlerine eskertýler jasaldy.
Baqylaý jumystarynyń nátıjesinde bazarlarda azyq-túliktiń baǵasy turaqty ekenine, sanıtarlyq talaptar múmkindiginshe saqtalǵanyna mamandar kóz jetkizip qaıtty. Degenmen SES ókilderi saýda oryndarynyń basshylarynan sanıtarlyq qatań sharalardy bosańsytyp almaýyn suraıdy.

Ánýar JUMAShBAEV
FOTO Serik QOSAEV

Pikirler