Memleket basşysynyŋ töraǧalyǧymen jedel ştab otyrysy öttı. Onda Ükımettık komissiianyŋ töraǧasy, Premer-Ministrdıŋ bırınşı orynbasary Roman Skliar, Almaty qalasynyŋ äkımı Baqytjan Saǧyntaev, Ūlttyq qauıpsızdık komitetınıŋ töraǧasy Ermek Saǧymbaev jäne Işkı ıster, Qorǧanys, Tötenşe jaǧdailar ministrlerı baiandama jasady, dep habarlaidy «Adyrna» tılşısı Aqordaǧa sılteme jasap.
Prezidentke Almaty qalasyna qosymşa küşter, sonyŋ ışınde ŪQŞŪ bıtımgerlık kontingentınıŋ küşterın jūmyldyruǧa qatysty bergen tapsyrmasynyŋ nätijesınde qala laŋkesterden tolyq tazartylǧany turaly baiandaldy.
Qazırgı uaqytta qala tırşılıgın qamtamasyz etetın barlyq salanyŋ jūmysyn qalpyna keltıru belsendı jürıp jatyr.
Qala äkımı Baqytjan Saǧyntaevtyŋ habarlauynşa, qalany jylu, elektr quaty, su jäne gazben qamtamasyz etetın barlyq nysan qalypty jūmys ıstep jatyr. Sauda ortalyqtary, qoǧamdyq tamaqtanu oryndary, bazarlar, janarmai beketterı jäne önerkäsıp oryndary jūmystaryn jandandyruda, qoǧamdyq kölık ıske qosylǧan.
Qasym-Jomart Toqaevqa zardap şekken äkımşılık ǧimaratynda 14 qalalyq basqarma bolǧany, qazırgı uaqytta olardyŋ rezervtık ǧimarattarǧa, sondai-aq äkımşılıkke qarasty ūiymdarǧa ornalastyrylǧany jönınde aqparat berıldı.
«Adyrna» ūlttyq portaly
