Almaty qalasy máslıhatynyń depýtaty Qaırat Qudaıbergen qańtar oqıǵasyna qatysty ustaldy. Bul týraly belgili qazaqstandyq jýrnalıst Mıhaıl Kozachkov jarııalady, dep habarlaıdy “Adyrna” ulttyq portaly.
«Almaty qalasy máslıhatynyń depýtaty Qaırat Qudaıbergen túnde ýaqytsha ustaý ızolıatoryna qamaldy. Oǵan jappaı tártipsizdikterdi uıymdastyrdy jáne oǵan qatysty (Qylmystyq kodekstiń 272-babynyń 1 jáne 2-bóligi) aıyptalýda», - dep jazdy Kozachkov juma kúni óziniń Telegram-arnasynda.
Eske salaıyq, qańtar oqıǵasy kezinde Qudaıbergendi Almatydaǵy tártipsizdikter kezinde kezdeısoq 24 jolaýshyny urlap ketkeni úshin aıyptalǵan «Jabaıy Arman» laqap atymen tanylǵan krımavtorıtet Arman Jumageldıevtiń janynda jıi kórgen. Qazir «Jabaıy Arman» tergeý merzimine qamaýǵa alyndy.
“Adyrna” ulttyq portaly
