Äkımsız qalǧan ekı oblys mäslihatynyŋ deputattary kezekten tys sessiiaǧa şaqyryldy. Būl turaly Abai oblysy maslihatynyŋ saitynda jariialanǧan, dep habarlaidy “Adyrna” ūlttyq portaly.
«Qazaqstan Respublikasynyŋ Prezidentı 2022 jylǧy 8 mausymdaǧy №912 Jarlyǧymen bekıtılgen oblys, respublikalyq maŋyzy bar qala jäne astana äkımın taǧaiyndauǧa deputattardyŋ kelısım beru erejelerınıŋ 5,6-tarmaqtaryna säikes Abai oblysyndaǧy maslihat deputattarynyŋ jinalysy 2025 jylǧy 17 aqpan künı saǧat 12.30-da Semei qalasyndaǧy Abai atyndaǧy teatrdyŋ ülken zalynda ötedı», – delıngen Abai oblysy maslihatynyŋ saitynda jariialanǧan habarlamada.
Ūqsas habarlama Şyǧys Qazaqstan oblysy maslihatynyŋ saitynda da jariialandy, onda sessiia 2,5 saǧat erterek – 10.00-de bastalatyny aitylǧan.
Eske sala ketsek, 14 aqpanda prezident Qasym-Jomart Toqaev Ermek Köşerbaevty Şyǧys Qazaqstan oblysynyŋ äkımı lauazymynan bosatyp, Nūrlan Ūranhaevty Abai oblysynyŋ äkımı qyzmetınen bosatty. Sonymen qatar, Köşerbaev vise-premer qyzmetıne taǧaiyndaldy.
