Qazaqstan Parlamentı qos palatasynyŋ soŋǧy bırlesken otyrysy 26 mausymda ötedı, dep habarlaidy "Adyrna" ūlttyq portaly.
Mäjılıstıŋ baspasöz qyzmetınıŋ habarlauynşa, Mäjılıs töraǧasy Erlan Qoşanov Parlament palatalarynyŋ bırlesken otyrysyn şaqyru turaly ökımge qol qoidy.
Dästür boiynşa, bırlesken otyrys Parlament sessiiasyn qorytyndylap, odan keiın deputattar jazǧy demalysqa şyǧady.
Alaida 2026 jylǧy 1 şıldeden bastap Qazaqstannyŋ jaŋa Konstitusiiasy küşıne enıp, elde bırpalataly Parlament jüiesı engızıledı. Osyǧan bailanysty segızınşı şaqyrylymdaǧy Mäjılıs pen Senattan tūratyn qazırgı zaŋ şyǧaruşy organ öz jūmysyn aiaqtaidy.
Ökım mätınınde: «Qazaqstan Respublikasy Konstitusiiasynyŋ 58-baby 4-tarmaǧynyŋ 2) tarmaqşasyna säikes Qazaqstan Respublikasy Parlamentı palatalarynyŋ bırlesken otyrysy 2026 jylǧy 26 mausym künı saǧat 10:00-de Astana qalasynda şaqyrylsyn» dep körsetılgen.
Jiynǧa mäjılıstıŋ 98 deputaty men senattyŋ 50 senatory qatysady dep kütılude. Tamyz aiynda jaŋa bırpalataly Parlament – Qūryltai qūramyna 145 deputat sailanady.
